ସାନଖେମୁଣ୍ଡି, ୧୦/୦୫: ଅନ୍ତଃରାଜ୍ୟ ଗଞ୍ଜେଇ ଚାଲାଣ ବେଳେ ମାଡି ବସିଲା ପାଟପୁର ପୋଲିସ । ପୋଲିସର ପାଟ୍ରୋଲିଂ ବେଳେ ସୁମୁତପୁର ହରିଣା ରାସ୍ତାରେ ଏକ ନାଲି ରଙ୍ଗର ହୁଣ୍ଡାଇ କାରରେ ଗଂଜେଇ ଚାଲାଣ ହୋଉଥିବା ଖବର ପାଇ ପାଟପୁର ପୋଲିସ ଚଢ଼ାଉ କରିଥିଲା । କାର ଉପରେ ଚଢ଼ାଉ ବେଳେ ପୋଲିସ ଦୁଇ ଜଣ ଅଭିଯୁକ୍ତଙ୍କୁ କାବୁ କରିବା ସହ କାର୍ଯ୍ୟ ନିର୍ବାହୀ ମାଜିଷ୍ଟ୍ରେଟ ଶ୍ରୀନିବାସ ବେହେରାଙ୍କ ଉପସ୍ଥିତରେ ୭୫ କେଜି ୨୫୦ ଗ୍ରାମ ଗଂଜେଇ ଜବତ କରାଯାଇଥିଲା ।
ଯାହାର ଆନୁମାନିକ ମୂଲ୍ୟ ଦଶ ଲକ୍ଷ ଟଙ୍କାରୁ ଉର୍ଦ୍ଧ୍ବ ହୋଇଥିବା ଜଣାପଡ଼ିଛି । ଦୁଇ ଅଭିଯୁକ୍ତ ହେଲେ କଂସମାରି ଗାଁ ରାଜା ମୋହନ ଦୋରା, ଦିଲ୍ଲୀର ଆକାଶ ଗୁପ୍ତା । ଏନେଇ ପୋଲିସ ଘଟଣାର ଅଧିକ ତଦନ୍ତ କରୁଥିବା ବେଳେ କେଶ ନମ୍ବର ୧୫୦/୨୨ରେ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ନେଇ ଆସିକା ଏସଡିପିଓ ଉମା ଶଙ୍କର ସିଂ, ପାଟପୁର ଆଇଆଇସି ସବ୍ୟସାଚୀ ମଲ୍ଲ ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
