ସୁନ୍ଦରଗଡ ୨୬।୦୬: ସୁନ୍ଦରଗଡ଼ ହେମଗିରି ଥାନା ଡୁରୁବଗା ଗାଁରେ ଦଳିତଙ୍କୁ ଆକ୍ରମଣ ଘଟଣାରେ ଆକ୍ସନ । ପୋଲିସ ମାମଲାରେ ୧୧ଜଣଙ୍କୁ ଗିରଫ କରିଛି । ଆଇନ ଅନୁସାରେ ସମସ୍ତଙ୍କୁ ଉପଯୁକ୍ତ ଦଣ୍ଡ ଦିଆଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଖବର ଅନୁଯାୟୀ, ଗତ ୧୩ ତାରିଖ ଦିନ ଡୁରୁବଗା ଗାଁର କିଛି ଯୁବକ ଦଳିତଙ୍କୁ ସଂଘବଧ ଭାବେ ମରଣାନ୍ତକ ଆକ୍ରମଣ କରିଥିଲେ । ଏହାପରେ ୧୪ ତାରିଖ ଦିନ ହେମଗିରି ଥାନାରେ ମାମଲା ରୁଜୁ ହୋଇଥିଲା । କିନ୍ତୁ ପୋଲିସ ଅଭିଯୁକ୍ତଙ୍କ ଧରିନଥିବା ବେଳେ ସେମାନେ ଏସ୍ପି ଓ ଜିଲ୍ଲାପାଳଙ୍କ ପାଖରେ ଅଭିଯୋଗ କରିଥିଲେ । ଏହାପରେ ଶନିବାର ରାତିରେ ପୋଲିସ ୧୧ଜଣଙ୍କୁ ଗିରଫ କରିଛି । ଏହାସହ ଘଟଣାରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ଦଳିତ ।
