ଜଳେଶ୍ୱର ୧୭/୦୮: ରାସ୍ତା କଡରେ ଛିଡା ହୋଇ ଚକ ବଦଳ କରୁଥିବା ଏକ ତୀର୍ଥଯାତ୍ରୀ ବସକୁ ପଛ ପଟୁ ଧକ୍କା ଦେଲା ଦ୍ରୁତ ଗତିରେ ଆସୁଥିବା ମାଲବାହୀ ଟ୍ରକ । ଜଣେ ମହିଳା ତୀର୍ଥଯାତ୍ରୀଙ୍କ ମୃତ୍ୟୁ । ଏହାସହ ୪ରୁ ଅଧିକ ଗୁରୁତର । ସୂଚନା ଅନୁଯାୟୀ ପଶ୍ଚିମବଙ୍ଗ ରାଜ୍ୟ ବର୍ଦ୍ଧମାନ ଅଂଚଳରୁ ତୀର୍ଥଯାତ୍ରୀ ବସ ଯାତ୍ରୀ ନେଇ ପୁରୀ ଆସୁଥିଲା ।
ଏହି ସମୟରେ ବିଳମ୍ବିତ ରାତିରେ ବାଲେଶ୍ୱର ଜିଲ୍ଲା ବସ୍ତା ଥାନା ୬୦ନ ଜାତୀୟ ରାଜପଥ କୋଟିପୋଲ ନିକଟରେ ବସଟିର ଚକ ପମ୍ପଚର ହୋଇ ଯିବାରୁ ଡ୍ରାଇଭର ଗାଡ଼ିଟିକୁ ରାସ୍ତା କଡର ସାଇଡ୍ କରି ଚକା ବଦଳ କରୁଥିଲା ବେଳେ ପଛପଟୁ ଦ୍ରୁତ ଗତିରେ ଆସୁଥିବା ଟ୍ରକଟି ବସକୁ ପଛପଟୁ ଧକ୍କା ଦେଇଥିଲା । ଫଳରେ ବସ ସମ୍ମୁଖରେ ଛିଡା ହୋଇଥିବା ତୀର୍ଥ ଯାତ୍ରୀମାନଙ୍କ ଉପରେ ବସଟି ଚଢି ଯାଇଥିଲା ।
ଘଟଣାସ୍ଥଳରେ ଜଣେ ମହିଳା ଯାତ୍ରୀଙ୍କର ମୃତ୍ୟୁ ଘଟିଥିଲା ବେଳେ ଡ୍ରାଇଭର ସମେତ ୪ରୁ ଅଧିକ ଯାତ୍ରୀ ଗୁରୁତ୍ୱର ହୋଇଛନ୍ତି । ଖବର ପାଇ ବସ୍ତା ପୋଲିସ ଘଟଣା ସ୍ଥଳରେ ପହଁଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠେଇ ଥିଲା ବେଳେ ବସ ଓ ଟ୍ରକକୁ ଅଟକ ରଖି ତଦନ୍ତ ଜାରୀ ରଖିଛି । ମୃତ ମହିଳା ତୀର୍ଥ ଯାତ୍ରୀ ଜଣକ ହେଲେ ପଶ୍ଚିମବଙ୍ଗର ଶ୍ୟାମପୁର ଥାନା ଆଈମା ଗୋବର୍ଦ୍ଧନ ଅଂଚଳର ୫୫ବର୍ଷର ମମତା ଢ଼ିଙ୍କି ।
