ସାଲେପୁର ୧୧/୦୬: ତିନିଦିନ ହେବ ରାସ୍ତାରେ ଥୁଆ ହୋଇଛି ଦାମୀ କାର । ତେବେ କିଏ କାହିଁକି ଛାଡିଗଲା ସେନେଇ କିଛି ଜଣାପଡିନି । ଯାହା ଅନୁମାନ କରାଯାଉଛି ଯେ, ଗାଡିଟିକୁ କେହି ଥୋଇ ଦେଇ କେଉଁଆଡେ ଫେରାର୍ ହୋଇଯାଇଛି । ସାଲେପୁର ଥାନା ମାଛୁଆତି ତାରିଣୀ ଛକ ରାସ୍ତାରେ ଥୁଆ ହୋଇଥିବା ଏହି କାର ।
ଗାଡିଟିରେ ଲାଗିଥିବା ନମ୍ବରପ୍ଲେଟରୁ ତଥ୍ୟ ଜଣାପଡୁଛି ଗାଡିର ମାଲିକଙ୍କ ନାମ ଶେଖ ସୁଲତାନ । ENDEAVOUR ଗାଡିଟିର ଭୁବନେଶ୍ୱରରର ରେଜିଷ୍ଟ୍ରେସନ ହୋଇଥିଲାବେଳେ RC ଆକ୍ଟିଭ ଥିବା ନମ୍ବର ପ୍ଲେଟରୁ ଜଣାପଡୁଛି ।
ହେଲେ ଗୋଟିଏ ଜାଗାରେ ଗାଡିଟି ୩ ଦିନ ହେବ ଥୁଆ ହୋଇଥିବାକୁ ନେଇ ସ୍ତାନୀୟ ଅଂଚଳରେ ଗୁଞ୍ଜରଣ ସୃଷ୍ଟିହୋଇଛି । ଏହା ଖାଲି ଗାଡି ନାଁ ଏଥିରେ କିଛି ଅଛି ତାହା ଜଣାପଡିନି । ପୋଲିସ ଯଦି ଘଟଣା ସ୍ଥଳରେ ପହଞ୍ଚି ପ୍ରକୃତ କାଗଜପତ୍ର ଯାଞ୍ଚ କରିବ ତେବେ ହୁଏତ ଘଟଣାରେ ସତ୍ୟାସତ୍ୟ ଜଣାପଡିବ ।
