ଭୁବନେଶ୍ୱର : ପୂର୍ବ ଆଫ୍ରିକାର ତାଞ୍ଜାନିଆରେ ,ଓଡିଶାର ଦେବଗଡ ଜିଲ୍ଲାର ବିନୟ ଶ୍ରୀକାନ୍ତ ପ୍ରଧାନ ଚଳିତ ବର୍ଷ ଅଗଷ୍ଟ ମାସ ଠାରୁ ଭାରତୀୟ ଉଚ୍ଚାୟୁକ୍ତ ଭାବରେ ଦାୟିତ୍ୱ ଗ୍ରହଣ କରିଛନ୍ତି | ତାଞ୍ଜାନିଆରେ ଥିବା ଓଡ଼ିଆ ସମାଜର ସଦସ୍ୟମାନେ ଶ୍ରୀପ୍ରଧାନଙ୍କୁ ସ୍ୱାଗତ କରିଛନ୍ତି | ଆୟୋଜିତ କାର୍ଯ୍ୟକ୍ରମରେ ଶ୍ରୀପ୍ରଧାନଙ୍କ ପତ୍ନୀ, ବିଶିଷ୍ଟ ଓଡିଶୀ ନୃତ୍ୟଶିଳ୍ପୀ ମୋନାଲିସା ଶୁଭଦର୍ଶନୀ ମଧ୍ୟ ଉପସ୍ଥିତ ଥିଲେ | କାର୍ଯ୍ୟକ୍ରମକୁ ପରିଚାଳନା କରିଥିଲେ ଦିଗବିଜୟ ସାହୁ ଓ ଦୀପିକ ସାହୁ | ପ୍ରିୟରଞ୍ଜନ ନାଥ ଶ୍ରୀପ୍ରଧାନଙ୍କର ପରିଚୟ ପାଠ କରିଥିଲେ |ବିଜୟ କୁମାର ସାହୁ ଓଡ଼ିଆ ସମାଜ ର କାର୍ଯ୍ୟାବଳୀ ବିଷୟରେ ଅବଗତ କରାଇଥିଲେ |ସତ୍ୟସାଇ ବେହେରା,ନଟବର ସାହୁ ଓ ଅନ୍ତର୍ଯ୍ୟାମୀ ଷଡ଼ଙ୍ଗୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ | ଓଡ଼ିଆ ସମାଜର ମହିଳା ସଦସ୍ୟମାନେ ବନ୍ଦେ ଉତ୍କଳ ଜନନୀ ଓ ଜଗନ୍ନାଥ ଭଜନ ପରିବେଷଣ କରିଥିଲେ |ସୁଶ୍ରୀ ବିଜୟଲକ୍ଷ୍ମୀ ସାହୁ ଓଡିଶୀ ନୁର୍ତ୍ୟ ପରିବେଷଣ କରିଥିଲେ |
