ନୂଆଦିଲ୍ଲୀ ୦୧/୦୭: ଏକତା କପୁର ଏବଂ ସ୍ମୃତି ଇରାନୀଙ୍କ ବନ୍ଧୁତା କାହାଠାରୁ ଲୁଚି ରହିନାହିଁ। ଉଭୟ ସେଲିବ୍ରେଟ୍ ପ୍ରାୟତଃ ଫ୍ୟାମିଲି ପାର୍ଟିରେ ନଜର ଆସିଥାନ୍ତି । ସ୍ମୃତି ଇରାନୀଙ୍କ ସହ ଏକତାଙ୍କ ସମ୍ପର୍କ ଆଜି ନୁହେଁ ବରଂ ଟିଭି ସିରିଏଲ୍ ‘କ୍ୟୁକି ସାସ୍ ଭି କଭି ବହୁ ଥି’ରୁ ରହିଛି । ଟିଭି ଧାରାବାହିକ ‘କ୍ୟୁକି ସାସ୍ ଭି କଭି ବହୁ ଥି’ର ସୁଟିଂ ସମୟରେ ଏକତା କପୁର-ସ୍ମୃତି ଇରାନୀଙ୍କର ବନ୍ଧୁତା ହୋଇଥିଲା। ଆଜି ବି ସେମାନଙ୍କର ବନ୍ଧୁତା ଜାରି ରହିଛି । ଖବର ଅଛି ଯେ ଟିଭି ସିରିଏଲର ସୁଟିଂ ସମୟରେ ଏକତା ସ୍ମୃତି ଇରାନୀଙ୍କ ଗର୍ଭଧାରଣକୁ ସେଟରେ ଯଥାସମ୍ଭବ ସୁଗମ କରିଥିଲେ ଏବଂ ଏହାର ପ୍ରତିବଦଳରେ ଅଭିନେତ୍ରୀ ମଧ୍ୟ ତାଙ୍କ ପାଇଁ ସୁଟିଂ କରିଥିଲେ।
ସ୍ମୃତି ଇରାନୀ ନିଜେ ଏକ ଇଣ୍ଟରଭ୍ୟୁରେ ପ୍ରକାଶ କରିଛନ୍ତି, ଏକତା ଏବଂ ବାଲାଜୀ ଟେଲିଫିଲ୍ସ ଗର୍ଭବତୀ ଥିବା ସମୟରେ ତାଙ୍କ ପାଇଁ ଯାହା କରିଥିଲେ। ଏହା ସହିତ ଏକତା କପୁର ପ୍ରକାଶ କରିଛନ୍ତି ଯେ ସ୍ମୃତି ଇରାନୀ ସେହିସମୟରେ ପ୍ରସିଦ୍ଧ ଶୋ’ର ସୁଟିଂ ପାଇଁ ଏକ ଶିଶୁକୁ ଜନ୍ମ ଦେବାର ପରଦିନ ସେଟକୁ ଫେରିଥିଲେ ।
ଏକ ଇଣ୍ଟରଭ୍ୟୁ ସମୟରେ ଏକତା କପୁର ଏବଂ ସ୍ମୃତି ଇରାନୀ ଏକାଠି ହୋଇ କ୍ୟୁଁକି ସାସ୍ ଭି କଭି ବହୁ ଥୀର ସୁଟିଂକୁ ମନେ ପକାଇ ପରସ୍ପରକୁ ପ୍ରଶଂସା କରିଥିଲେ। ଏହି ସମୟରେ ସ୍ମୃତି ପ୍ରକାଶ କରିଥିଲେ ଯେ ମୁଁ ବୋଧହୁଏ ପ୍ରଥମ ଅଭିନେତ୍ରୀ ଯିଏ ପ୍ରକୃତରେ ଗର୍ଭାବସ୍ଥାରେ କାମ କରିଥିଲି ଏବଂ ଷ୍ଟୁଡିଓ ମୋ ପାଇଁ ପ୍ରତ୍ୟେକ ଅଂଶକୁ ସୁଗମ କରିଥିଲା । ଏପରିକି ଏକ ଡାକ୍ତରୀ ଟିମ୍ ମଧ୍ୟ ସର୍ବଦା ଉପଲବ୍ଧ ଥିଲେ ।
ଏହି ସମୟରେ, ଏକତା କପୁର କହିଥିଲେ ଯେ ସ୍ମୃତି ଇରାନୀ ପିଲାଟିକୁ ଜନ୍ମ ଦେବାର ଗୋଟିଏ ଦିନ ପରେ ସୁଟିଂ ଆରମ୍ଭ କରିଥିଲେ। ଏକତା କହିଛନ୍ତି ମୋର ମନେ ଅଛି, ମୋର ପ୍ରଡକ୍ସନ୍ ହେଡ୍ ଏବଂ ଜୁବିନ୍ ସ୍ମୃତିଙ୍କ ସନ୍ତାନ ଜନ୍ମ ଦେବା ପାଇଁ ବାହାରେ ଅପେକ୍ଷା କରିଥିଲେ, କାରଣ ଭାରତ ଜାଣିବାକୁ ଚାହୁଁଥିଲା ଯେ ତୁଳସୀ କେବେ ଟେଲିଭିଜନରେ ଫେରିବେ। କେବଳ ଏତିକି ନୁହେଁ, ସେ ତାଙ୍କ କାର୍ଯ୍ୟକୁ ଏତେ ଗମ୍ଭୀରତାର ସହ ନେଇ କହିଥିଲେ, ମୋର ବର୍ତ୍ତମାନ ଡେଲିଭରୀ ହୋଇଛି, ମୁଁ ଆସନ୍ତାକାଲି କ୍ଲୋଜ୍ ଅପ୍ ପାଇଁ ପ୍ରସ୍ତୁତ ହେବାକୁ ଯାଉଛି। ଏକତା କହିଛନ୍ତି ମୁଁ ଭାବୁ ନାହିଁ ଯେ କେହି ଏହା ଜାଣନ୍ତି କିନ୍ତୁ ପରଦିନ ସେ ଶୋ ପାଇଁ ସୁଟିଂ କରିଥିଲେ ।
