ଟିଟିଲାଗଡ଼: ପୁଣି ଚିନ୍ତା ବଢ଼ାଇଲା କରୋନା। କଲେଜ କ୍ୟାମ୍ପସରୁ ଚିହ୍ନଟ ହେଲେ ୪ ସଂକ୍ରମିତ। ଅଧ୍ୟାପକ ଓ ଛାତ୍ରଛାତ୍ରୀ ମଧ୍ୟରେ ପଶିଲା ଛନକା। ଟିଟିଲାଗଡ଼ ଡିଏଭି କଲେଜରେ ଏକ ସପ୍ତାହ ମଧ୍ୟରେ ୩ ଜଣ ଅଧ୍ୟାପକ ଓ ଜଣେ ଅଣଶିକ୍ଷକ କରୋନ ସଂକ୍ରମଣି ହୋଇଛନ୍ତି। ଏନେଇ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ନିଆଯାଇଛି। କଲେଜ ପରିସରରେ ସ୍ବତନ୍ତ୍ର କ୍ୟାମ୍ପ କରାଯାଇ ସମସ୍ତ ଅଧ୍ୟାପକ, ଶିକ୍ଷକ, ଛାତ୍ରଛାତ୍ରୀ ଓ କର୍ମଚାରୀଙ୍କ କୋଭିଡ ଟେଷ୍ଟିଂ ସହ ଟ୍ରକିଂ ଆରମ୍ଭ କରାଯାଇଛି।
ସୂଚନା ମୁତାବିକ, ଡିଏଭି କଲେଜରେ ୩ହଜାର ଛାତ୍ରଛାତ୍ରୀ ଓ ୮୧ ଜଣ ପ୍ରାଧ୍ୟାପକ ଓ ଅଣଶିକ୍ଷକ୍ କର୍ମଚାରୀ ରହିଥିବା ବେଳେ ବର୍ତ୍ତ ମାନ ପର୍ଯ୍ୟନ୍ତ ୬୦ଜଣକଙ୍କ ଆଣ୍ଟିଜେନ ପରୀକ୍ଷା କରାଯାଇଛି ହେଲେ ସମସ୍ତଙ୍କ ରିପୋର୍ଟ ନେଗେଟିଭ ରହିଛି । ଯଦି ଆଣ୍ଟିଜେନ ପରୀକ୍ଷାରେ ଯେଉଁମାନେ ପଜିଟିଭ ଚିହ୍ନଟ ହେବେ ତାଙ୍କ ଆରଟିପିସିଆର ରିପୋର୍ଟ ଆସିବା ପର୍ଯ୍ୟନ୍ତ ୭ ଦିନ ହୋମ କ୍ବାରେଣ୍ଟଆଇନରେ ରହିବାକୁ ପଡ଼ିବ ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।ପ୍ରଶାସନ ପକ୍ଷରୁ କଲେଜ ପରିସର ସାନିଟାଇଜ କରାଯିବାକୁ ବ୍ୟବସ୍ଥା କରାଯାଇଛି। ଏଥି ସହିତ କୋଭିଡ ଗାଇଡଲାଇନକୁ କଡ଼ାକଡ଼ି ପାଳନ କରିବା ପାଇଁ ନିର୍ଦ୍ଧେଶ ଦିଆଯାଇଛି।
