ଅନୁଗୁଳ ୩୧/୦୩: କଳା ଏତିହ୍ୟ ରାଜ୍ୟ ଆମ ଓଡ଼ିଶା । ଏହି କ୍ରମରେ ବହୁ ପୁରାତନ ତାଳଚେର ରାଜପ୍ରସାଦର ସିଂହ ଦ୍ୱାରର ସ୍ଵତନ୍ତ୍ର ସ୍ଥାନ ରହିଛି । ଏହା କଳା କାରିଗରୀ ଦେଖିବା ପାଇଁ ରାଜ୍ୟ କାହିଁକି ରାଜ୍ୟ ବାହାରୁ ବହୁ ପର୍ଯ୍ୟଟକ ପ୍ରତିବର୍ଷ ଆସିଥାନ୍ତି । ଏଠାରେ ସେଲ୍ଫି ଆଉ ସିଂହଦ୍ଵାର ଆଗରେ ପ୍ରାକୃତିକ ପରିବେଶ ମଧ୍ୟରେ ବହି ଯାଉଥିବା ବ୍ରାହ୍ମଣୀ ନଦୀର ଦୃଶ୍ୟ ଦେଖି ଆତ୍ମ ସନ୍ତୋଷ ଲାଭ କରନ୍ତି ।
ଏତିକିବେଳେ ଭାରତୀୟ ଡାକ ବିଭାଗ ଏକ ସ୍ଵତନ୍ତ୍ର ଡାକ ଲଫାପା “ସିଂହଦ୍ଵାର ତାଳଚେର” ଉନ୍ମୋଚନ ହୋଇଛି। ଏହା ଦ୍ବାରା ତାଳଚେର ର ଐତିହ୍ୟ,କଳା ଏବଂ ସଂସ୍କୃତି କୁ ବଜାଇ ରଖିବା ସହ ପ୍ରଚାର ପ୍ରସାର ହୋଇ ପାରିବ ବୋଲି ଆଶା ରଖିଛନ୍ତି । ତାଳଚେର କିଶୋରକ୍ଳବ ପରିସରରେ ଉନ୍ମୋଚନ ସମାରୋହରେ ଅନଗୁଳ ଜିଲ୍ଲାପାଳ ଏବଂ ତାଳଚେର ରାଜା ରାଜେନ୍ଦ୍ର ଚନ୍ଦ୍ର ଦେବ ବିରବର ହରିଚନ୍ଦନ ଉପସ୍ଥିତ ରହିଥିଲେ ।
