ଲକ୍ଷ୍ନୌ: ବିବାହ ଉତ୍ସବରେ ଯୋଗ ଦେଇ ଫେରୁଥିଲେ। ବାଟରେ ଜଗି ବସିଥିଲା ମୃତ୍ୟୁ। ରାସ୍ତାରେ ଠିଆ ହୋଇଥିବା ଏକ ଟ୍ରକ୍ ସହ ହଠାତ୍ ଶକ୍ତ ଧକ୍କା ହେଲା ଏସ୍ୟୁଭି କାର୍। କାର୍ ବସିଥିଲେ ୧୧ ଜଣ ଯାତ୍ରୀ।
ବରଯାତ୍ରୀରୁ ଫେରିଥିଲେ ସମସ୍ତେ। ଟ୍ରକ୍ରେ ଧକ୍କା ହେବା ପରେ ଚାଲିଗଲା ୮ ଜଣଙ୍କ ଜୀବନ। ୩ ଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ଗୋରଖପୁର ଜିଲ୍ଲା ହସ୍ପିଟାଲ୍ରେ ଭର୍ତ୍ତି କରାଯାଇଛି। ରବିବାର ଜୋଗିଆ କୋତୱାଲି ନିକଟରେ ଏଭଳି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଦୁର୍ଘଟଣା ପରେ ସ୍ଥାନୀୟ ଲୋକେ ଘଟଣା ସ୍ଥଳରେ ପହଞ୍ଚି ପୁଲିସକୁ ଖବର ଦେବା ସହିତ ଦୁର୍ଘଟଣାର ଶିକାର ହୋଇଥିବା ଲୋକଙ୍କୁ ଉଦ୍ଧାର କରିଥିଲେ।
