ମୁମ୍ବାଇ: ମେଗାଷ୍ଟାର୍ ଅମିତାଭ ବଚ୍ଚନ ତାଙ୍କର ଦ୍ବିତୀୟ ଆଖି ଅସ୍ତ୍ରୋପଚାର କରିବା କଥା ମାଇକ୍ରୋବ୍ଲଗିଂ ସାଇଟ୍ ଟ୍ବିଟର୍ରେ ପ୍ରକାଶ କରିଛନ୍ତି। ସେ ତାଙ୍କର ଫଲୋର୍ସମାନଙ୍କୁ ନିଜର ଦ୍ବିତୀୟ ଆଖିର କାଟ୍ରାକ୍ଟ ଅପରେସନ୍ ହୋଇଥିବା ନେଇ ସୂଚନା ଦେଇଛନ୍ତି।
ପୂର୍ବରୁ ଫେବ୍ରୁଆରି ମାସରେ ଅମିତାଭ ତାଙ୍କର ପ୍ରଥମ ଆଖି ଅପରେସନ୍ କରିଥିଲେ। ଯାହାକି ଧୀରେ ଧୀରେ ସ୍ବାଭାବିକ ହେବାକୁ ଲାଗିଥିଲା। ସେ ସମୟରେ ସେ ନିଜର ଦ୍ବିତୀୟ ଆଖିର ଅସ୍ତ୍ରୋପଚାର ନେଇ ସାମାନ୍ୟ ସୂଚନା ବି ଦେଇଥିଲେ।
ବିଗ୍ ବି କରିଥିବା ଟ୍ବିଟ୍ ପୋଷ୍ଟ୍ରେ ଆଧୁନିକ ଚିକିତ୍ସା ପ୍ରଯୁକ୍ତିବିଦ୍ୟାକୁ ପ୍ରଶଂସା କରିବା ସହ ଏହି ଅସ୍ତ୍ରୋପଚାର ତାଙ୍କ ପାଇଁ ଏକ ଜୀବନ ପରିବର୍ତ୍ତନକାରୀ ଅଭିଜ୍ଞତା ଥିଲା ବୋଲି ଉଲ୍ଲେଖ କରିଛନ୍ତି।
ଗତ ଫେବ୍ରୁଆରିରେ ବିଗ୍ ଯେତେବେଳେ ତାଙ୍କର ପ୍ରଥମ ଆଖିର ଅସ୍ତ୍ରୋପଚାର କରିଥିଲେ ସେତେବେଳେ ତାଙ୍କର ବହୁ ପ୍ରଶଂସକ ତାଙ୍କ ସ୍ବାସ୍ଥ୍ୟାବସ୍ଥା ନେଇ ଚିନ୍ତା ପ୍ରଘଟ କରିଥିଲେ। ବିଗ୍ ବି ନିଜର ଅସ୍ତ୍ରୋପଚାର ପରେ ନିଜର ପ୍ରଶଂସକମାନଙ୍କୁ ସେମାନଙ୍କ ଶ୍ରଦ୍ଧା ପାଇଁ କୃତଜ୍ଞତା ଜଣାଇବା ସହ ନିଜେ ସଂପୂର୍ଣ୍ଣ ସୁସ୍ଥ ଥିବା ପ୍ରକାଶ କରିଥିଲେ।
