ଟୋକିଓ ୩୦/୦୮: ଟୋକିଓ ପାରାଅଲିମ୍ପିକ୍ସର ଷଷ୍ଠ ଦିନରେ ପଦକ ବର୍ଷା । ସକାଳୁ ସକାଳୁ ୨ଟି ପଦକ ମିଳିବା ପରେ ଜାଭେଲିନରେ କମାଲ କରିଛନ୍ତି ଭାରତୀୟ ଖେଳାଳି। ସେହିପରି ଭାରତୀୟ ଆଥ୍ଲେଟ୍ ଦେବେନ୍ଦ୍ର ଝାଝରିୟା ଜାଭେଲିନ୍ରେ ରୌପ୍ୟ ପଦକ ଜିତିଥିବା ବେଳେ ସୁନ୍ଦର ସିଂହ ଗୁର୍ଜାର ରୌପ୍ୟ ପଦକ ଜିତିଛନ୍ତି । ଦୁଇ ଖେଳାଳିଙ୍କ ସଫଳତା ପରେ ରାଷ୍ଟ୍ରପତି, ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କ୍ରୀଡ଼ା ମନ୍ତ୍ରୀଙ୍କ ସମେତ ବହୁ ଜଣାଶୁଣା ବ୍ୟକ୍ତି ଶୁଭେଚ୍ଛା ଜଣାଇଛନ୍ତି ।
ଶ୍ରୀଲଙ୍କା ଖେଳାଳି ହେରାଥ ୬୭.୭୯ ପଏଣ୍ଟ ସହ ଜାଭେଲିନ୍ ଥ୍ରୋରେ ସ୍ବର୍ଣ୍ଣ ପଦକ ଜିତିଥିବା ବେଳେ ଭାରତର ରିଓରେ ବିଶ୍ବ ରେକର୍ଡ ସ୍ଥାପନ କରିଥିବା ଦେବେନ୍ଦ୍ର ଝଝରିୟା ୬୪.୩୫ ପଏଣ୍ଟ ସହ ରୌଗ୍ୟ ପଦକ ବିଜେତା ହୋଇଛନ୍ତି । ସେହିପରି ସୁନ୍ଦର ସିଂ ଗୁର୍ଜର ୬୪.୦୧ ସ୍କୋର ବ୍ରୋଞ୍ଜ ମେଡାଲ ଜିତିଛନ୍ତି । ସୋମବାର ଦିନ ସକାଳୁ ସକାଳୁ ଭାରତୀୟ ଦଳ ୪ଟି ମେଡାଲ ହାତେଇଛି ।
ସୋମବାର ସକାଳୁ ସକାଳୁ ଅବନୀ ପ୍ରଥମେ ସ୍ବର୍ଣ୍ଣ ପଦକ ଜିତିଥିଲେ ତାଙ୍କ ପରେ ପରେ ଡିସକସ୍ ଥ୍ରୋରେ ଯୋଗେଶ ରୌପ୍ୟ ପଦକ ହାତେଇଥିଲେ। ପରେ ଜାଭେଲିନରେ ଦେବେନ୍ଦ୍ର ଓ ସୁନ୍ଦର ଡବଲ ପଦକ ହାତେଇଛନ୍ତି। ସେହିପରି ରବିବାର ଭାବିନା ପଟେଲ ମହିଳା ସିଙ୍ଗଲ୍ସ ଟେବୁଲ୍ ଟେନିସରେ ରୌପ୍ୟ ପୁରୁଷ ହାଇ ଜମ୍ପ୍ ଇଭେଣ୍ଟରେ ନିଶାଦ କୁମାର ରୌପ୍ୟ ପଦକ ଜିତିଥିଲେ । ଏଥିସହିତ ଟୋକିଓ ପାରାଲିମ୍ପିକ୍ସରେ ଭାରତର ପଦକ ସଂଖ୍ୟା ୭କୁ ବୃଦ୍ଧି ପାଇଛି। ଭାରତୀୟ ଦଳ ଗୋଟିଏ ସ୍ବର୍ଣ୍ଣ ୪ଟି ରୌପ୍ୟ ଓ ୨ଟି ବ୍ରୋଞ୍ଜ ପଦକ ଏପର୍ଯ୍ୟନ୍ତ ହାସଲ କରିଛି।
