ନୂଆଦିଲ୍ଲୀ ୧୯/୧୧ : ଭାରତର ପୂର୍ବତନ ବ୍ୟାଟ୍ସମ୍ୟାନ୍ ତଥା ଆଇପିଏଲ ଫ୍ରାଞ୍ଚାଇଜ୍ ଦିଲ୍ଲୀ କ୍ୟାପିଟାଲ୍ସର ସହକାରୀ କୋଚ୍ ମହମ୍ମଦ କୈଫ, ଅଶ୍ବିନଙ୍କୁ ନେଇ ଏକ ବଡ ବୟାନ ଦେଇଛନ୍ତି । କୈଫ କହିଛନ୍ତି ରବିଚନ୍ଦ୍ରନ ଅଶ୍ବିନ ଏବେ ଟି-ଟ୍ବେଣ୍ଟି ଅନ୍ତରାଷ୍ଟ୍ରୀୟ ମ୍ୟାଚରେ ଚମତ୍କାର ପ୍ରଦର୍ଶନ ଦେଖାଇପାରିବେ । ଏବେ ଅଶ୍ବିନଙ୍କୁ ଅଷ୍ଟେ୍ରଲିଆ ଗସ୍ତରେ କେବଳ ଟେଷ୍ଟ ଟିମରେ ସାମିଲ କରାଯାଇଛି ।
ମହମ୍ମଦ କୈଫ କହିଛନ୍ତି ଆଇପିଏଲ ସିଜିନ-୧୩ରେ, ବିରାଟ କେହାଲି, ରୋହିତ ଶର୍ମା, ପୋଲାର୍ଡ, ଗେଲ, ଓ୍ବାର୍ଣ୍ଣର, ଡି କକ୍, ଜୋସ ବଟଲର, ଷ୍ଟେଭ ସ୍ମିଥ୍, ପାଡିକଲ ଏବଂ ପୁରନଙ୍କ ଭଳି ବ୍ୟାଟ୍ସମ୍ୟାନଙ୍କ ଓ୍ବିକେଟ ନେବାରେ ସଫଳ ହୋଇଛନ୍ତି ଅଶ୍ବିନ । ସେଥିମଧ୍ୟରୁ ଅନେକଙ୍କ ଓ୍ବିକେଟ ପାଓ୍ବାର ପ୍ଲେରେ ନେବାରେ ସଫଳ ହୋଇଛନ୍ତି । ସେଥିପାଇଁ ରବିଚନ୍ଦ୍ରନ ଅଶ୍ବିନ ଟି-ଟ୍ବେଣ୍ଟିରେ ବହୁମୂଲ୍ୟ ସାମ୍ୟସ୍ତ ହୋଇପାରନ୍ତି ।
ସଦ୍ୟ ସମାପ୍ତ ହୋଇଥିବା ଆଇପିଏଲ ସିଜିନ ୧୩ରେ ସ୍ପିନର ରବିଚନ୍ଦ୍ରନ ଅଶ୍ବିନ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଖେଳି ଚମତ୍କାର ବୋଲତଂ ପ୍ରଦର୍ଶନ କରିଥିଲେ । ସୂଚନାଯୋଗ୍ୟ, ଅଫ୍ ସ୍ପିନର ରବିଚନ୍ଦ୍ରନ ଅଶ୍ବିନ ତାଙ୍କ ଶେଷ ଟି-ଟ୍ବେଣ୍ଟି ଅନ୍ତରାଷ୍ଟ୍ରୀୟ ମ୍ୟାଚ୍ ୨୦୧୭ରେ ଓ୍ବେଷ୍ଟଇଣ୍ଡିଜ୍ ବିପକ୍ଷରେ ଖେଳିଥିଲେ ।
