ରାଇରଙ୍ଗପୁର/ଗୋରୁମହିଷାଣି: ଟାଟା-ବାଦାମପାହାଡ଼ ମେମୁ ପାସେଞ୍ଜର ଟ୍ରେନକୁ ମୟୂରଭଞ୍ଜ ଜିଲ୍ଲା ଗୋରୁମହିଷାଣି ଷ୍ଟେସନ ନିକଟସ୍ଥ ବଡ଼ମୌଦା ଗ୍ରାମରେ ଶତାଧିକ ଗ୍ରାମବାସୀ ଅଟକାଇଥିବାର ଖବର ମିଳିଛି। ଗୋଳାପୋଲରେ ପାଣି ଜମି ରହୁଥିବା ଅଭିଯୋଗ ନେଇ ପାସେଞ୍ଜର ଟ୍ରେନ ଏକ ଘଣ୍ଟାରୁ ଉର୍ଦ୍ଧ୍ବ ସମୟ ଧରି ଅଟକି ରହିଥିବା ଜଣାଯାଇଛି।
ଗୋଳା ପୋଲରେ ୫ ଫୁଟ ଉଚ୍ଚର ପାଣି ଜମୁଥିବାରୁ ବାହ୍ୟ ଜଗତରୁ ବିଛିନ୍ନ ହୋଇଛନ୍ତି ଅଞ୍ଚଳବାସୀ। ଡିଆରଏମ ଆସି କିଛି ବ୍ୟବସ୍ଥା ନ କରିବା ଯାଏ ଟ୍ରେନକୁ ଛାଡ଼ିବେ ନାହିଁ ବୋଲି ଲୋକେ ଚେତାବନୀ ଦେଇଛନ୍ତି। ଖବର ପାଇ ଷ୍ଟେସନ ମାଷ୍ଟର ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଛନ୍ତି।
