ଝାରସୁଗୁଡ଼ା ୧୭।୦୯: ଝାରସୁଗୁଡ଼ା ସରବାହାଲ ନିକଟରେ ଘଟିଥିବା ମର୍ମନ୍ତୁଦ ସଡ଼କ ଦୁର୍ଘଟଣାରେ ମୃତ୍ୟୁ ସଂଖ୍ୟା ୮ କୁ ବୃଦ୍ଧି ପାଇଛି। ଏଥିରେ ୨୦ରୁ ଅଧିକ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୧୩ ଜଣଙ୍କ ଅବସ୍ଥା ସଂକଟାପନ୍ନ ରହିଛି। ସେମାନଙ୍କୁ ବୁର୍ଲା ସ୍ଥାନାନ୍ତର କରାଯାଇଛି।
ଖବର ଅନୁଯାୟୀ, ଶୁକ୍ରବାର ସଂଧ୍ୟାରେ ଜେ.ଏସ.ଡବ୍ଲୁ ଭୂଷଣ ପ୍ଲାଣ୍ଟର ୬୦ ରୁ ଅଧିକ କର୍ମଚାରୀ ଏକ ବସ୍ ରେ ଯାଉଥିଲେ। ସରବାହଲ ନିକଟରେ ଏକ କୋଇଲା ବୋଝେଇ ହାଇୱା ୨ଟି ଗାଈଙ୍କୁ ଧକ୍କା ଦେଇଥିଲା। ଏହାପରେ ଡିଭାଇଡରର୍ ଭାଙ୍ଗି ରାସ୍ତାର ଅପର ପାର୍ଶ୍ଵକୁ ଯାଇ ବସ୍ କୁ ଧକ୍କା ଦେଇଥିଲା ହାଇୱା। ଯନ୍ତ୍ରଣାରେ ଛଟପଟ ହେଉଥିବା ଲୋକଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କରାଯାଇ ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ବାଇପାସ୍ ରାସ୍ତାରେ ଥିବା ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜିଲ୍ଲାପାଳ ସରୋଜ ସାମଲ ବରିଷ୍ଠ ଅଧିକାରୀଙ୍କ ସହ ହସ୍ପିଟାଲରେ ପହଞ୍ଚି ରୋଗୀଙ୍କ ସ୍ବାସ୍ଥ୍ୟାବସ୍ଥା ସଂପର୍କରେ ପାଚାରି ବୁଝିଛନ୍ତି ।
