ବଲାଙ୍ଗୀର ୦୬/୦୮: ବଲାଙ୍ଗିର ଜିଲ୍ଲା ମୁଖ୍ୟ ଜିଲ୍ଲା ଯୋଗାଣ ଅଧିକାରୀଙ୍କ ନାଁରେ ସାଂଘାତିକ ଅଭିଯୋଗ । ନିର୍ଯାତନା ଓ ଅଶାଳୀନ ବ୍ୟବହାର ଅଭିଯୋଗ ଆଣିଲେ ଅଧସ୍ତନ ମହିଳ ଏସିଏସଓ କର୍ମଚାରୀ । ମହିଳା କର୍ମଚାରୀ ଜଣକ ହେଲେ ପୁଷ୍ପଲତା ଦାସ । ପୁଷ୍ପଲତା ଦାସ ପୌର ପରିଷଦରେ ଏସିଏସଓ ଭାବେ କାର୍ଯ୍ୟରତ। ଜିଲ୍ଲାପାଳଙ୍କ ଠାରେ ଲିଖିତ ଅଭିଯୋଗ କରିଛନ୍ତି ସପୃକ୍ତ ମହିଳା କର୍ମଚାରୀ ପୁଷ୍ପଲତା ଦାସ ।
ଦାୟିତ୍ୱ ନେବା ଦିନଠାରୁ ବାବୁଙ୍କ ହାକିମାତି । ଭୁଲିଗଲେ ସୌଜନ୍ୟତା । ଅଧସ୍ତନ ମହିଳା କର୍ମଚାରୀଙ୍କୁ ଯୌନ ନିର୍ଯାତନା ଓ ଅଶାଳୀନ ବ୍ୟବହାର କରିଥିବା ନେଇ ଜିଲ୍ଲାପାଳଙ୍କ ଠାରେ ଅଭିଯୋଗ କଲେ ମହିଳା କର୍ମଚାରୀ । ଗତକାଲି ମୁଖ୍ୟ ଯୋଗାଣ ଅଧିକାରୀ ମିର ରାଜା ଅଲ୍ଲି ନିର୍ଯାତନା ଅଧିକ ଦେବାରୁ ଅଫିସରେ ହୋହାଲ୍ଲା ହୋଇଥିଲା ।
ପରେ ଜିଲ୍ଲାପାଳ ଅଫିସ ଯାଇ ସପୃକ୍ତ ମହିଳା କର୍ମଚାରୀ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି ଯୋଗାଣ ଅଧିକାରୀ ମିର ରାଜା ଅଲ୍ଲି ବଲାଙ୍ଗିରରେ ଯୋଗଦେବା ଦିନଠାରୁ ଦୂର୍ବ୍ୟବହାର କରିବା ସହ ନିର୍ଯାତନା ଦେଉଥିଲେ । ଅସହ୍ୟ ହେବାରୁ ଜିଲ୍ଲାପାଳଙ୍କ ଠାରେ ଅଭିଯୋଗ କରିଛନ୍ତି ।
ଜିଲ୍ଲାପାଳ କାର୍ଯ୍ୟାନୁଷ୍ଠାନ ନନେଲେ ଥାନାରେ ଏଫଆଇଆର ଦେବେ ବୋଲି କହିଛନ୍ତି ସପୃକ୍ତ ମହିଳା କର୍ମଚାରୀ ପୁଷ୍ପଲତା ଦାସ । ଅଭିଯୋଗ ସଂର୍ପକରେ ପ୍ରତିକ୍ରିୟା ରଖିଛନ୍ତି ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା । ପୂର୍ବରୁ ମଧ୍ୟ ମିଲରେ ଧାନକଟନୀକୁ ନେଇ ବିବାଦ ଘେରକୁ ଆସିଥିଲେ ଚିଫ୍ ସିଏସଓ ମିର୍ ରାଜା ଅଲ୍ଲି ।
