ନୂଆଦିଲ୍ଲୀ ୭/୫ : ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ଘରକୁ ଆସିଲେ ନୂଆ ଅତିଥୀ । ଆଫଣ ହୁଏତ ଆଶ୍ଚର୍ଯ୍ୟ ହୋଇପାରନ୍ତି । କିନ୍ତୁ ଏକଥା ସତ, ମହେନ୍ଦ୍ର ସିଂହ ଧୋନୀ ହେଇଛନ୍ତି ବହୁତ ପଶୁପ୍ରେମୀ । ସେଥାପାଇଁ ତାଙ୍କୁ ଘରକୁ ଆସିଛି ଗୋଟିଏ ଘୋଡା । ଆଉ ତାର ନାଁ ରହିଛି ଚେତକ । ଇନଷ୍ଟାରେ ଭିଡିଓ ସେୟାର କରି ଫ୍ୟାନକୁ ଜଣାଇଛନ୍ତି ଧୋନୀଙ୍କ ପତ୍ନୀ ସାକ୍ଷୀ ଧୋନୀ ।
ସାକ୍ଷୀ କହିଛନ୍ତି ଚେତକ ଆପଣଙ୍କୁ ଆମ ଘରକୁ ସ୍ୱାଗତ । ଚେତକ ତମେ ଆମ ଲିଲି(ପୋଷା କୁକୁର) ଙ୍କୁ ସହଜରେ ଗ୍ରହଣ କରିଥିବାରୁ ତମକୁ ଅଶେଷ ଧନ୍ୟବାଦ । ଏଠାରେ କହିରଖୁଛୁ ଧୋନିଙ୍କ ରାଞ୍ଚିରେ ଏକ ଫାର୍ମ ହାଉସ୍ ଅଛି । ଯେଉଁଠାରେ ସେ ଷ୍ଟ୍ରବେରୀ ଠାରୁ ଆରମ୍ଭ କରି ଅନେକ ଫଳମୂଳ ପନିପରିବା ଚାଷ ହୋଇଥାଏ । ଧୋନିଙ୍କ ଏହି ଫାର୍ମ ହାଉସକୁ ନେଇ ସର୍ବଦା ଚର୍ଚା ହୋଇଥାଏ ।
ବାଇକ ସୌକିନ ଥିବା ମାହି ଏବେ ଭାରତୀୟ ଦଳର ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ପଥ ଅନୁସରଣ କରୁଛନ୍ତି । ଜଦ୍ଦୁଙ୍କୁ ଘୋଡା ବହୁତ ପସନ୍ଦ । ସେ ମଧ୍ୟ ଘୋଡା ପାଇଁ ଏକ ଫାର୍ମ ହାଉସ ବନାଇଛନ୍ତି । ତାଙ୍କ ଫାର୍ମହାଉସରେ ବିଭିନ୍ନ ପ୍ରଜାତି ଘୋଡା ସବୁ ରହିଛି ।
