ଆନନ୍ଦପୁର ୧୪/୧୦: ଆନନ୍ଦପୁର ଉପଖଣ୍ଡର ହାଟଡିହି ବ୍ଲକ୍ ଗେଡମା ପୋଷ୍ଟାଲ ବ୍ରାଞ୍ଚରେ ଘୋଟାଲା । ଡାକବିଭାଗର ବିଭିନ୍ନ ସ୍କିମ୍ରେ ହଜାରେରୁ ଉର୍ଦ୍ଧ୍ୱ ଜମାକାରୀଙ୍କ ଜମା ଟଙ୍କାକୁ ଚଳୁକରିଛନ୍ତି ପୋଷ୍ଟ ମାଷ୍ଟର ।
ପୋଷ୍ଟ ଅଫିସରେ ଖୋଲିଥିବା ନିଜ ସଞ୍ଚୟ ଖାତାରେ ଜମା କରି ଆସୁଥିଲେ ଲୋକେ । ଗାଁର ବିଭିନ୍ନ ବର୍ଗର ଲୋକେ ନିଜ କଷ୍ଟଅର୍ଜି ତ ଧନରୁ ପେଟକୁ କାଟି ଭବିଷ୍ୟତ ପାଇଁ ସଞ୍ଚୟ କରୁଥିଲେ । କିଏ ଝିଅ ବାହାଘରକୁ ଆଖିଆଗରେ ରଖି ଟଙ୍କା ରଖୁଥିଲା ତ ଆଉକିଏ ପିଲାଙ୍କ ଭବିଷ୍ୟତ ପାଇଁ । ଟଙ୍କା ରଖିବା ସମୟରେ ଡାକଘର ଯାଇ ପୋଷ୍ଟ ମାଷ୍ଟରଙ୍କ ନିକଟରେ ଜମା ଦେବା ପରେ ଜମାଖାତାରେ ଅର୍ଥ ରାଶି ଚଢାଇ ଷ୍ଟାମ୍ପ ମାରି ନିଜ ପାଖରେ ଜମାକାରୀଙ୍କ ପାସ୍ ବୁକ୍ କରିଦେଇଥିଲେ ପୋଷ୍ଟ ମାଷ୍ଟର ।
ବ୍ରାଞ୍ଚ ପୋଷ୍ଚ ଅଫିସ୍ ହୋଇଥିବାରୁ ପୋଷ୍ଟ ଅଫିସ୍ରେ କମ୍ପୁଟର ନଥିବା ସୁଯୋଗ ନେଇ ବଡ ଘୋଟାଲା କରିଛନ୍ତି ପୋଷ୍ଟମାଷ୍ଟର ଗୋଲକ ବିହାରୀ ଦାଶ । ଜମାକାରୀଙ୍କ ଜମା ଖାତାରେ ତ ଟଙ୍କା ରହିଥିବା ଲେଖାଅଛି । ହେଲେ ପ୍ରକୃତରେ ପର୍ଯ୍ୟାପ୍ତ ଜମା ଟଙ୍କା ଖାତା ରେ ନଥିବା ଏବେ ଜଣା ପଡିବାରୁ ଜମାକାରୀଙ୍କ ମୁଣ୍ଡରେ ପଡିଛି ଚଡକ ।
