ଯାଜପୁର ୧୧।୦୯ : ଯାଜପୁର ବିଂଝାରପୁର ବରୀକୁଳ ଗାଁର ଛାତ୍ରୀ ଅମ୍ରିତାଙ୍କ ମୃତ ଘଟଣା । ୮ଦିନ ପରେ ଆସିଲା ବ୍ୟବଛେଦ ରିପୋର୍ଟ । ଛାତ୍ରୀ ଙ୍କୁ ହତ୍ୟା କରାଯାଇନାହିଁ ବରଂ ପାଣିରେ ବୁଡି ତାଙ୍କର ମୃତ୍ୟୁ ହୋଇଥିବା ରିପୋର୍ଟରେ ଦର୍ଶାଯାଇଛି ।
ଖବର ଅନୁଯାୟୀ, ବିଂଝାରପୁର ବରୀକୁଳ ଗାଁର ଅମୂଲ୍ୟ ଦାସଙ୍କ ସାନ ଝିଅ ଅମ୍ରିତା ଦାସ ଗତ ୩ ତାରିଖ ଦିନ ଟ୍ୟୁସନ ଯାଇ ଆଉ ଘରକୁ ଫେରିନଥିଲେ । ବହୁ ଖୋଜା ଖୋଜି ପରେ ମଙ୍ଗଳପୁର ଥାନା ନନ୍ଦୀପୁର ନିକଟ ରାସ୍ତା କଡ଼ ପୋଖରୀରୁ ମିଳିଥିଲା ଅମ୍ରିତାଙ୍କ ମୃତଦେହ। ଯାହାକୁ ନେଇ ମଙ୍ଗଳପୁର ଥାନାରେ ଅମ୍ରିତାଙ୍କୁ ହତ୍ୟା କରି ଫିଙ୍ଗି ଥିବା ଅଭିଯୋଗ କରିଥିଲେ ପରିବାର ଲୋକେ। ଅମ୍ରିତାଙ୍କ ମୃତ୍ୟୁ ଘଟଣାର ଆଠ ଦିନ ପରେ ଆସିଛି ଶବ ବ୍ୟବଚ୍ଛେଦ ରିପୋର୍ଟ । ଏଥିରେ ସେ ପାଣିରେ ବୁଡି ମରିଥିବା ଦର୍ଶାଯାଇଛି । ତେବେ ଅମ୍ରିତାଙ୍କୁ କେହି ବଳପୂର୍ବକ ପାଣି ବୁଡାଇ ମାରିଛି ନା ସେ ଅସାବଧାନତାରୁ ପାଣି ବୁଡି ମରିଛନ୍ତି । ଏନେଇ କିଛି ସ୍ପଷ୍ଟ ହୋଇନାହିଁ । ଭିସେରା ରିପୋର୍ଟକୁ ଅପେକ୍ଷା କରିଛି ପୋଲିସ ।
