ମାହାଙ୍ଗା ୪।୮: ଚୋରି ଘଟଣାରେ ଜଣକୁ ଗିରଫ କରିବା ସହ ଚୋରି ସାମଗ୍ରୀ ଜବତ କରି କୋର୍ଟ ଚାଲାଣ କରିଛି ମାହାଙ୍ଗା ପୋଲିସ । ଚୋର ଜଣକ ହେଲେ ମାହାଙ୍ଗା ଥାନା ଝାଡେଶ୍ବରପୁର ଗାଁର ରାକେଶ କୁମାର ନାୟକ ଓରଫ ଚନ୍ଦନ ।
ସୂଚନାଯୋଗ୍ୟ ଯେ, ଝାଡେଶ୍ବରପୁର ଗ୍ରାମର ସୁକାନ୍ତ ଦାସଙ୍କ ଘରୁ ଚୋରି ହୋଇଥିବା ଅଭିଯୋଗ ପାଇବା ପରେ ପୋଲିସ ଝାଡେଶ୍ବରପୁର ଗ୍ରାମର ରାକେଶ କୁମାର ନାୟକଙ୍କୁ ଥାନାକୁ ଆଣି ପଚରାଉଚରା କରିଥିଲା । ପରେ ରାକେଶ ଚୋରି କରିଥିବା ନେଇ ପୋଲିସ ଆଗରେ ମାନିଥିଲା । ରାକେଶ ପକ୍ଷରୁ ସମସ୍ତ ସୁନାଗହଣା ସହ ଗୋଟିଏ ବାଇକକୁ ମଧ୍ୟ ପୋଲିସ ଜବତ କରିଛି । କେସ୍ ନଂ ୧୯୧ରେ ମାମଲା ରୁଜୁ କରି ରାକେଶକୁ କୋର୍ଟ ଚାଲାଣ କରାଯାଇଥିବା ମାହାଙ୍ଗା ପୋଲିସ ସୂଚନା ଦେଇଛି ।
