କେନ୍ଦ୍ରାପଡ଼ା ୨୦।୦୯ : ଚୋରି କରିବାକୁ ଆସି ଧରାପଡିଗଲା ଚୋର l ଘର ମାଲିକ ଚୋରକୁ କାବୁ କରିନେଲେ l କେନ୍ଦ୍ରାପଡା ସଦର ଥାନା ଅନ୍ତର୍ଗତ ଜଣ୍ଟିଲୋ ଗାଁ ରେ ଘଟିଛି ଏହି ଘଟଣା l
ଖବର ଅନୁଯାୟୀ, ଜଣ୍ଟିଲୋ ଗାଁର ଅବସରପ୍ରାପ୍ତ ସରକାରୀ କର୍ମଚାରୀ ମଳୟ ରଞ୍ଜନ ବାରିକ ମଙ୍ଗଳବାର ପୂର୍ବାହ୍ନରେ ତାଙ୍କ ଘରେ ତାଲା ପକାଇ ଗାଁରେ ଥିବା ନିଜର ଅନ୍ୟ ଏକ ଘରକୁ ଯାଇଥିଲେ l ଗାଁ ଭିତରୁ ଫେରି ଦେଖିବାରୁ ତାଙ୍କ ଘରର ଗ୍ରୀଲ ଭଙ୍ଗାଯାଇଛି l ଦୁଇଜଣ ଯୁବକ ହାତରେ କିଛି ଜିନିଷ ଧରି ପଦାକୁ ବାହାରୁଛନ୍ତି l ମଳୟ ଦୌଡ଼ି ଯାଇ ସେମାନଙ୍କ ମଧ୍ୟରୁ ଜଣଙ୍କୁ ମାଡି ବସିଥିଲେ l ଅନ୍ୟଜଣେ ଦୌଡ଼ି ପଳାଇ ଯାଇ ରାସ୍ତା ଉପରେ ଅପେକ୍ଷା କରିଥିବା କାରରେ ଫେରାର୍ ହୋଇଯାଇଥିଲା l ଗାଁ ଲୋକେ ଚୋରକୁ କାବୁ କରି ନଡ଼ିଆ ଗଛରେ ବାନ୍ଧି ପକାଇଲେ l
ସେହିପରି ଅନ୍ୟପଟେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଗାଡିରେ ପୂର୍ବରୁ ଦୁଇଜଣ ବସି ରହିଥିଲେ l ଘର ମାଲିକଙ୍କ ସୂଚନା ଅନୁଯାଇ ତାଙ୍କ ସିସି କ୍ୟାମେରା ର ହାର୍ଡ ଡିସ୍କ ଓ କିଛି ଟଙ୍କା ଗହଣା ଚୋର ନେଇଯାଇଛି l ପୋଲିସ ଘଟଣାସ୍ଥଳରେ ପହଞ୍ଚି ଚୋରକୁ ହେପାଜତକୁ ନେଇଛି l.
