ଭୁବନେଶ୍ୱର ୨୬/୦୭: ବାବୁସାନ-ତୃପ୍ତି ଓ ପ୍ରକୃତି କଳି ଭିତରେ ସାମ୍ନାକୁ ଆସିଛି ପ୍ରକୃତିଙ୍କ ପରିବାରର କିଛି ଫଟୋ । ସୋସିଆଲ୍ ମିଡିଆରେ କିଛି ଫଟୋ ପୋଷ୍ଟ କରିଛନ୍ତି ପ୍ରକୃତିଙ୍କ ମା କୃଷ୍ଣପ୍ରିୟା ମିଶ୍ର । ଲେଖିଛନ୍ତି ଯେ- ‘ବହୁତ ପ୍ରତିବନ୍ଧକ ପରେ ସପରିବାର ଆମେ ଚେନ୍ନାଇରେ ଏକାଠି ହୋଇଛୁ । ଏବେ ଆମେ ସାମାନ୍ୟ ରିଲାକ୍ସ ଅନୁଭବ କରୁଛୁ ।
ଶନିବାରର ଘଟଣା ପରେ ପ୍ରକୃତି ମିଶ୍ର ବି ଚେନ୍ନାଇ ଯାଇଥିଲେ । ଏପରିକି ଚେନ୍ନାଇରୁ ସେ ଗଣମାଧ୍ୟମରେ ବିବାଦ ସମ୍ପର୍କରେ ସଫେଇ ବି ରଖିଥିଲେ । ଏବେ ପ୍ରକୃତି ମିଶ୍ରଙ୍କ ସହ ପରିବାର ବର୍ଗ ବି ଚେନ୍ନାଇ ଯାଇଛନ୍ତି । ପ୍ରକୃତିଙ୍କ ବାପା ମନ୍ମଥ ମିଶ୍ର ଓ ମାଆ କ୍ରିଷ୍ଣା ମିଶ୍ର ଚେନ୍ନାଇ ଯାଇ ସେଠାରୁ ଏକାଠି ରହିଥିବାର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ।
ସେପଟେ ପ୍ରକୃତି ଓ ବାବୁସାନ୍ ଚେନ୍ନାଇରେ ଥିଲେ ସତ କିନ୍ତୁ ସେଠାରେ କୌଣସି କାର୍ଯ୍ୟକ୍ରମରେ ଯୋଗ ଦେଇନାହାନ୍ତି । ଏହା ଭିତରେ ପ୍ରକୃତିଙ୍କ ପରିବାର ଏକାଠି ରହିଥିବାର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ ପ୍ରକୃତି, ତାଙ୍କ ମା’ କୃଷ୍ଣପ୍ରିୟା, ବାପା ମନ୍ମଥ ମିଶ୍ର ଓ ଭାଇ ଏକ ହୋଟେଲ ଟେବୁଲ୍ରେ ବସିଛନ୍ତି । ଏହି ଫଟୋରୁ, ପ୍ରକୃତିଙ୍କ ପରିବାର ଚେନ୍ନାଇରେ ପହଞ୍ଚିଥିବା ଜଣାଯାଇଛି ।
