ଚିନ୍ତା ବଢାଉଛି କରୋନାର ନୂଆ ରୂପ, ସଜାଗ ହେଲେ ସରକାର ; ଜାନୁଆରୀ ୭ ତାରିଖ ଯାଏଁ ବ୍ରିଟେନ୍‌କୁ ବିମାନ ସେବା ବନ୍ଦ

ନୂଆଦିଲ୍ଲୀ ୩୦।୧୨: ସାରାବିଶ୍ୱରେ କୋଭିଡ-୧୯ ମହାମାରୀ ପରେ ବ୍ରିଟେନ୍‌ରୁ ସୃଷ୍ଟି ହୋଇଥିବା କରୋନାର ନୂଆ ଷ୍ଟ୍ରେନ୍‌ ସୃଷ୍ଟି କରିଛି ଭୟ । ବ୍ରିଟେନରୁ ଆସିଥିବା ନୂଆ କରୋନା ଷ୍ଟ୍ରେନ୍ ଆକ୍ରାନ୍ତଙ୍କ ସଂଖ୍ୟା ଭାରତରେ ବଢ଼ିବାରେ ଲାଗିଛି। ଏ ପର୍ଯ୍ୟନ୍ତ ବ୍ରିଟେନରୁ ଫେରିଥିବା ୨୦ ଜଣଙ୍କ ଠାରେ ନୂଆ କରୋନା ଷ୍ଟ୍ରେନ୍ ଚିହ୍ନଟ ହେଲାଣି। ଯାହାକୁ ଦୃଷ୍ଟିରେ ରଖି ଜାନୁଆରି ୭ ତାରିଖ ଯାଏଁ ୟୁକେକୁ ବିମାନ ସେବା ବନ୍ଦ କରାଯାଇଛି । ୟୁକେକୁ ବିମାନ କିମ୍ବା ୟୁକେରୁ ଭାରତ ଉଡିବନି କୌଣସି ବିମାନ । ୟୁକେର ନୂଆ ଷ୍ଟ୍ରେନ୍ ଚିହ୍ନଟ ପରେ ଏପରି ନିଷ୍ପତ୍ତି ନେଇଛନ୍ତି ସରକାର ।