ମୁମ୍ବାଇ ୨୮/୦୫: ରିୟା ଚକ୍ରବର୍ତ୍ତୀ ଇନଷ୍ଟାଗ୍ରାମ୍ ମାଧ୍ୟମରେ ଫ୍ୟାନ୍ସମାନଙ୍କ ସହ ଜଡିତ । ଗତ ଏକ ବର୍ଷ ମଧ୍ୟରେ ସେ କେବଳ କିଛି ମନୋନୀତ ପୋଷ୍ଟ କରିଛନ୍ତି। ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ରିୟା ଚକ୍ରବର୍ତ୍ତୀ ଚର୍ଚ୍ଚାରେ ରହିଥିଲେ। ସୁଶାନ୍ତଙ୍କ ବାପାଙ୍କ ଏଫଆଇଆର ପରେ ତାଙ୍କୁ ଗିରଫ କରାଯାଇଥିଲା। ପରେ ତାଙ୍କୁ ଜାମିନ ନାମଞ୍ଜୁର କରାଯାଇଥିଲା। ଧୀରେ ଧୀରେ ରିୟା ସାଧାରଣ ଜୀବନକୁ ଫେରି ଆସୁଛନ୍ତି । ଏଥର ସେ ଇନଷ୍ଟାଗ୍ରାମରେ ତାଙ୍କ ହୃଦୟର କଥା କହିଛନ୍ତି।
ଜୁନ୍ ୧୪ ରେ ସୁଶାନ୍ତ ସିଂ ରାଜପୁତଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ । ଏହାପୂର୍ବରୁ ରିୟାଙ୍କ ଏହି ପୋଷ୍ଟ ଚର୍ଚ୍ଚାକୁ ଆସିଛି। ସେ ଲେଖିଛନ୍ତି ‘ଅଧିକ ଯନ୍ତ୍ରଣାରୁ ଅଧିକ ଶକ୍ତି ମିଳିଥାଏ । ଆପଣଙ୍କୁ କେବଳ ଭରସା କରିବାକୁ ପଡିବ । ସେଠାରେ ଅଟକିବାକୁ ପଡିବ । ଲଭ୍, ରିୟା। ‘
ରିୟାଙ୍କ ଏହି ପୋଷ୍ଟରେ ଫ୍ୟାନ୍ସମାନଙ୍କ ଠାରୁ ଆରମ୍ଭ କରି ଷ୍ଟାର ପର୍ଯ୍ୟନ୍ତ କମେଣ୍ଟ ଦେଇଛନ୍ତି। ତାଙ୍କର ବନ୍ଧୁ ଏବଂ ଭି.ଜେ ଅନୁଷ୍କା ଦାଣ୍ଡେକର ଲେଖିଛନ୍ତି – “ମାଇଁ ଗର୍ଲ।”
ରିୟାଙ୍କର ଜଣେ ଫ୍ୟାନ୍ସ ଲେଖିଛନ୍ତି – “ଆମେ ସମସ୍ତେ ଆପଣଙ୍କ ସହିତ ଛିଡା ହୋଇଛୁ।” ଅନ୍ୟ ଜଣେ ଲେଖିଛନ୍ତି – “ଆପଣଙ୍କୁ ଅଧିକ ଶକ୍ତି ମିଳୁ।” ଆଉ ଜଣେ ଫ୍ୟାନ୍ସ ଲେଖିଛନ୍ତି, ଭଗବାନ ଆଶୀର୍ବାଦ କରନ୍ତୁ। ବିନା କାରଣରେ ଆପଣ ବହୁତ କଷ୍ଟ ପାଇଛନ୍ତି । ଭଗବାନ ଆପଣଙ୍କୁ ଏବଂ ଆପଣଙ୍କ ପରିବାରକୁ ଶକ୍ତିଶାଳୀ କରନ୍ତୁ।
