ବ୍ରହ୍ମପୁର ୦୬।୦୭ : ଥମୁନି ଧଳାଜହର କାରବାର । ଅବକାରୀ ବିଭାଗ ହାତରେ ଧରାପଡିଲେ ବ୍ରାଉନ୍ସୁଗାର ବେପାରୀ । ତାଙ୍କ ନିକଟରୁ ୧୧୨ ଗ୍ରାମର ବ୍ରାଉନ୍ସୁଗାର ଜବତ ହୋଇଛି । ଯାହାର ମୁଲ୍ୟ ୧୨ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି ।
ଖବର ଅନୁଯାୟୀ, ଗତ କିଛି ଦିନ ହେଲା ବ୍ରାଉନ୍ସୁଗାର କାରବାର ନେଇ ଅବକାରୀ ବିଭାଗ ନିକଟରେ ଗୁଇନ୍ଦା ସୂଚନା ମିଳିଥିଲା । ଏହାପରେ ଅବକାରୀ ବିଭାଗ ଏକ ଗୁଇନ୍ଦା ଟିମ୍ କରି ଗୋଦାବରୀଶ ନଗରରେ ସଜାଗ ରହିଥିଲା । ଗ୍ରାହକ ସାଜି ବେପାରୀଙ୍କ ନିକଟରୁ ବ୍ରାଉନ୍ସୁାଗର କିଣିବା ବେଳେ ଧରିଥିଲା ଅବକାରୀ ବିଭାଗ । ଏହାସହ ବେପାରୀ ନିକଟରୁ ୧୧୨ ଗ୍ରାମ୍ର ବ୍ରାଉନ୍ସୁଗାର ଜବତ କରିଛି । ଯାହାର ଆନୁମାନିକ ମୂଲ୍ୟ ୧୨ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଏହାସହିତ ବ୍ରାଉନ୍ସୁଗାର ବେପାରୀଙ୍କୁ ବାନ୍ଧିଲା ଅବକାରୀ ବିଭାଗ । ତବେ ଗତ ୨୦ ଦିନ ଧରି ଅପେରସନ କରୁଥିଲା ଅବକାରୀ ବିଭାଗ ।
