ଗଞ୍ଜାମରେ ପର୍ଯ୍ୟଟନସ୍ଥଳୀରେ ଲାଗିଲା କଟକଣା : ଗୋପାଳପୁର ଓ ସୋନପୁର ବେଳାଭୂମି ଶନିବାର-ରବିବାର ବନ୍ଦ, ମା’ ତାରାତାରିଣୀ ପୀଠ ବୁଧବାର ବନ୍ଦ

ବ୍ରହ୍ମପୁର ୯।୪: କୋଭିଡ୍ ସ୍ଥିତି ନେଇ ଗଞ୍ଜାମ ଜିଲ୍ଲା ପ୍ରଶାସନର କଡା ପଦକ୍ଷେପ । ଗୋପାଳପୁର ଏବଂ ସୋନପୁର ବେଳାଭୂମି ଶନିବାର ଓ ରବିବାର ବନ୍ଦ ରହିବ । ବ୍ରହ୍ମପୁର ରାମଲିଙ୍ଗେଶ୍ବର ପାର୍କ ଓ ତାମ୍ପରା ସୋମବାର ବନ୍ଦ ରହିବ । ମା’ ତାରାତାରିଣୀ ପୀଠ ବୁଧବାର ବନ୍ଦ ରହିବ । ଏ ନେଇ ଟ୍ବିଟ୍ ଯୋଗେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ସୂଚନା ଦେଇଛନ୍ତି ।