ଭୁବନେଶ୍ୱର ୨୯/୦୩: ଓଜନ ବଢିବା ପାଇଁ, କେବଳ ଆମର ଅଧିକ ଖାଇବା-ପିଇବା ଅଭ୍ୟାସ ନୁହେଁ, ବରଂ ଖାଦ୍ୟ ଖାଇବା ପରେ ଅନେକ ଛୋଟ ଅଭ୍ୟାସ ମଧ୍ୟ ଦାୟୀ ହୋଇଥାଏ । ଏମିତି ଅନେକ ଜିନିଷ ଅଛି ଯାହା ଓଜନ ବୃଦ୍ଧି କରିବା ସହିତ ଅନେକ ସମସ୍ୟା ସୃଷ୍ଟି କରିବା ପାଇଁ ମଧ୍ୟ ଦାୟୀ ହୋଇଥାଏ । ଯେପରି, ଖାଇବା ପରେ ଧୂମପାନ କରିବା ଦ୍ୱାରା ଆପଣଙ୍କୁ କେବଳ ଖାଦ୍ୟର ପୋଷଣ ମିଳି ନଥାଏ, ବରଂ ଏହା ଦ୍ୱାରା ଆପଣଙ୍କ ଓଜନ ଉପରେ ମଧ୍ୟ ପ୍ରଭାବ ପଡିଥାଏ ।
ଫଳ ଖାଇବା :
ଭୋଜନ ପରେ ଫଳ ଖାଇବା ଦ୍ୱାରା ଶୋଷଣ ସୀମିତ ହୋଇଯାଏ । ଏହା ହଜମ ଜନିତ ସମସ୍ୟା ମଧ୍ୟ ସୃଷ୍ଟି କରିପାରେ ।
ଧୂମପାନ :
ଖାଇବା ପରେ ଧୂମପାନ କରିବା ଦ୍ୱାରା ଓଜନ ବଢିଥାଏ । ସିଗାରେଟରେ କାର୍ସିନୋଜେନ ଥାଏ ଯାହା ଅନ୍ତନଳୀ ସିଣ୍ଡ୍ରୋମକୁ ଖରାପ କରିଥାଏ ।
ଶୋଇବାରୁ ବଞ୍ଚନ୍ତୁ :
ଯେତେବେଳେ ଆପଣ ଖାଦ୍ୟ ଖାଇବା ପରେ ଶୋଇଥାନ୍ତି, ପେଟ ଦ୍ୱାରା ଉତ୍ପନ୍ନ ହଜମକାରୀ ରସ ଉପରକୁ ଉଠିଥାଏ ଏବଂ ଛାତି ପୋଡିବା ଭଳି ସମସ୍ୟା ଦେଖାଦେଇଥାଏ ।
ଗାଧୋଇବାରୁ ବଞ୍ଚନ୍ତୁ :
ଖାଦ୍ୟ ଖାଇବା ପରେ ଗାଧୋଇବା ଅନୁଚିତ୍ । ଯେତେବେଳେ ଆପଣ ଖାଇବା ପରେ ଗାଧୋଇଥାନ୍ତି, ଶରୀରର ତାପମାତ୍ରାକୁ ନିୟନ୍ତ୍ରଣ କରିବା ପାଇଁ ରକ୍ତ ଚର୍ମକୁ ଯାଇଥାଏ ଯାହା ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି କରିଥାଏ ।
ବାୟାମ କରିବାରୁ ବଞ୍ଚନ୍ତୁ :
ଖାଇବା ପରେ ତୁରନ୍ତ ବ୍ୟାୟାମ କରିବା ଦ୍ୱାରା ଆପଣଙ୍କ ହଜମ ପ୍ରକ୍ରିୟାରେ ବାଧାପ୍ରାପ୍ତ ହୋଇଥାଏ । ବାନ୍ତି, ପେଟ ଯନ୍ତ୍ରଣା ମଧ୍ୟ ଅନୁଭବ କରିପାରନ୍ତି । ଭୋଜନ ପରେ କେବଳ ଏକମାତ୍ର ବଜ୍ରାସନ କରିପାରିବେ । ଏହା ହଜମ ପ୍ରକ୍ରିୟାକୁ ଠିକ୍ କରିଥାଏ ।
ପାଣି ପିଇବାରୁ ବଞ୍ଚନ୍ତୁ :
ଖାଦ୍ୟ ଖାଇବା ପରେ ତୁରନ୍ତ ପାଣି ପିଇବା ଦ୍ୱାରା ପେଟରେ ଏନଜାଇମ୍ ଏବଂ ରସର ସ୍ରାବ କମ୍ ହୋଇଥାଏ । ଏହା ଅମ୍ଳତାର କାରଣ ହୋଇଥାଏ । ଏଥିସହିତ ହଜମ ହେବା କଷ୍ଟକର ହୋଇଥାଏ । ଆପଣ କିଛି ସମୟ ପରେ ପାଣି ପିଇପାରିବେ ।
