ମସ୍କୋ: ରାଷ୍ଟ୍ରପତି ଭ୍ଲାଦିମିର ପୁଟିନ ଡାଗେସ୍ତାନର ଡରବେଣ୍ଟ ସହରକୁ ଯାଇଥିବା ବେଳେ ତାଙ୍କୁ ଦେଖିବାକୁ ରାସ୍ତାକଡ଼ରେ ଠିଆ ହୋଇଥିବା ଏକ ଟିକିଝିଅ ରାଇସାତ ଗହଳି ଯୋଗୁ ତାଙ୍କୁ ଦେଖିପାରି ନ ଥିଲା। ଏଥିରେ ଝିଅଟି ବହୁତ ମନଦୁଃଖରେ କାନ୍ଦିଥିଲା। ଝିଅର କାନ୍ଦିବାର ଭିଡ଼ିଓ ଭାଇରାଲ ହେବା ପରେ ରାଷ୍ଟ୍ରପତି ପୁଟିନ ଝିଅଟିକୁ ତା’ର ବାପାମାଆଙ୍କ ସହିତ କ୍ରେମ୍ଲିନସ୍ଥିତ ନିଜ କାର୍ଯ୍ୟାଳୟକୁ ନିମନ୍ତ୍ରଣ କରି ତା’ର ଇଚ୍ଛା ପୂରଣ କରିଛନ୍ତି। ପୁଟିନ ରାଇସାତ ଆକିବୋଭା ନାମ୍ନୀ ମୁସଲମାନ ଝିଅଟିକୁ ସ୍ବାଗତ ଜଣାଇବା ସହ ସେ ତାକୁ ଡରବେଣ୍ଟରେ କାହିଁକି ଭେଟି ନଥିଲେ ତାହା ବୁଝାଇଥିଲେ।
ମସ୍କୋ ବାହାରକୁ ସେ ଯେହେତୁ ବାରମ୍ବାର ଯାଇପାରିବେ ନାହିଁ, ତେଣୁ ତାକୁ ବାପାମାଆଙ୍କ ସହ ଏଠାକୁ ନିମନ୍ତ୍ରଣ କରିଥିବା କହିଥିଲେ। ଏହାପରେ ପୁଟିନ ପ୍ରଧାନମନ୍ତ୍ରୀ ମିଖାଇଲ ମିସୁଷ୍ଟିନଙ୍କୁ ଝିଅ ସହ ପରିଚୟ କରାଇଥିଲେ। ରାଇସାତକୁ କ୍ରେମ୍ଲିନ ବୁଲାଇବାର ବ୍ୟବସ୍ଥା କରାଯାଇଥିଲା। ପୁଟିନ ଓ ରାଇସାତଙ୍କ ଆଳାପର ଭିଡ଼ିଓ ମଧ୍ୟ ସୋସିଆଲ ମିଡ଼ିଆରେ ଭାଇରାଲ ହୋଇଛି ଯାହାକୁ ବହୁତ ଲୋକ ପସନ୍ଦ କରିଛନ୍ତି।
