ଭୁବନେଶ୍ବର ୧୯।୧: ବିଏମସି ଅଞ୍ଚଳରେ କୋଭିଡ୍ ନିୟମ ନ ମାନିଲେ ଜନସାଧାରଣଙ୍କୁ ପଡିବ ମହଙ୍ଗା । ଜରିମନା ଦେବାକୁ ପଡିପାରେ ବୋଲି ବିଏମସି ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ କହିଛନ୍ତି । ସେ ଆହୁରି କହିଛନ୍ତି, ସତର୍କ ଓ ସଚେତନ ହୁଅନ୍ତୁ ନଚେତ ଆଗକୁ ନିୟମ ଖିଲାପକାରୀଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ବିଏମସି । ସଂକ୍ରମଣ ରୋକିବାକୁ ଏପରି ନିଷ୍ପତ୍ତି ନିଆଯାଇପାରେ ।
ଦିନକୁ ଦିନ ରାଜ୍ୟରେ କୋଭିଡ୍ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ରାଜଧାନୀରେ ମଧ୍ୟ ସଂକ୍ରମିତଙ୍କ ସଂଖ୍ୟା ବଢୁଛି । ଲୋକମାନେ କୋଭିଡ୍ କଟକଣା ନମାନିବା ଯୋଗୁଁ ଏଭଳି ପରିସ୍ଥିତି ଉପୁଜୁଛି ବୋଲି କୁହାଯାଉଛି । ଯାହାକୁ ଦୃଷ୍ଟିରେ ରଖି ବିଏମସି ଏଭଳି ପଦକ୍ଷେପ ଗ୍ରହଣ କରିଛି ।
