ନୂଆଦିଲ୍ଲୀ: କୋଭିଡ୍-୧୯ ବା କରୋନା ଭାଇରସ୍ ପାଇଁ ଯେଉଁ ପ୍ରତିଷେଧକ ଟିକା ବାହାରିଛି ତାହା ସଂପୂର୍ଣ୍ଣ ରୂପେ ସୁରକ୍ଷିତ, ନିରାପଦ ଓ ପ୍ରଭାବଶାଳୀ ବୋଲି ଆଜି (ଗୁରୁବାର) କହିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ। ଦେଶବାସୀଙ୍କୁ ଆଶ୍ୱାସନା ଦେଇ ସେ କହିଛନ୍ତି ଯେ କୋଭିଡ୍-୧୯ ଟିକା ସପୂର୍ଣ୍ଣ ରୂପେ ନିରାପଦ ଏବଂ ପ୍ରଭାବଶାଳୀ; କିନ୍ତୁ ରାଜନୈତିକ କାରଣରୁ ଟିକା ସଂପର୍କରେ ଭୁଲ ତଥ୍ୟ ପ୍ରଚାର କରାଯାଉଛି ବୋଲି ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ବର୍ଦ୍ଧନ କହିଛନ୍ତି।
ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ବର୍ଦ୍ଧନ କହିଛନ୍ତି ଯେ ଭୁଲ ତଥ୍ୟ ଆଧାରରେ ଯେଉଁ କେତେକ ରାଜନୈତିକ ଗୋଷ୍ଠୀ ମଧ୍ୟରେ ଲୋକଙ୍କ ମଧ୍ୟରେ ଅପପ୍ରଚାର ଚଳାଇବା ସହ ଟିକାର କାର୍ଯ୍ୟକାରିତା ଓ ଟୀକାକରଣ ଉପରେ ପ୍ରଶ୍ନ ଉଠାଉଛନ୍ତି, ତାହା ଅତ୍ୟନ୍ତ ଦୁର୍ଭାଗ୍ୟଜନକ।
ଟିକା ସମ୍ପୂର୍ଣ୍ଣ ସୁରକ୍ଷିତ ଏବଂ ପ୍ରଭାବଶାଳୀ ଅଟେ। ଏହାର କୌଣସି ପ୍ରକାରର ପାର୍ଶ୍ୱ ପ୍ରତିକ୍ରିୟା ନଥିବା ଟୀକାକରଣ ପରେ ଦେଖିବାକୁ ମିଳିଛି ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ ଆଉଥରେ ସ୍ପଷ୍ଟ କରି ଦେଇଛନ୍ତି।
