ଉଦଳା ୧।୧୨: କୋଭିଡ୍ କଟକଣାକୁ ଫୁ । ଗୋରୁ ହାଟର ଲାଗିଛି ଅସମ୍ଭାଳ ଭିଡ । କରୋନାକୁ ନେଇ କାହାରି ମନରେ ଟିକିଏ ଭୟ ନାହିଁ । ଉଦଳାର ଚୁଳିଆପୋଷି ଅଞ୍ଚଳରେ ଦେଖିବାକୁ ମିଳିଛି ଏଭଳି ଦୃଶ୍ୟ ।
ସାମାଜିକ ଦୂରତ୍ବକୁ ଭୁଲିଗଲେ ଲୋକେ । କୋଭିଡ୍ କଟକଣାକୁ କରିଛନ୍ତି ଖୋଲାଖୋଲି ଉଲଂଘନ । ଉଦଳା ଅଞ୍ଚଳରେ ହାଟ ବାରି ରହିଥିବା ବେଳେ ସ୍ଥାନୀୟ ଥାନା ଚୁଳିଆପୋଷିଠାରେ ଗୋରୁ ହାଟ ଚାଲିଥିଲା । ସେଠାରେ ଅସମ୍ଭାଳ ଭିଡ ଦେଖିବାକୁ ମିଳିଥିଲା । ହାଟରେ ପାଖାପାଖି ଗୋଟିଏ ସ୍ଥାନରେ ଦୁଇ ହଜାରରୁ ଅଧିକ ଲୋକ ସମାଗମ ହୋଇଥିଲେ । ଯାହାକି ଅନେକଙ୍କ ମୁହଁରେ ମାସ୍କ ନ ଥିବା ବେଳେ ଏକ ମେଳା ଚାଲିଥିବାର ଭ୍ରମ ସୃଷ୍ଟି କରିଥିଲା ।
ସାମାଜିକ ଦୂରତ୍ବ ନିୟମକୁ ଖୋଲାଖୋଲି ଉଲଂଘନ କରାଯାଇଛି । ହେଲେ ଏଥିପ୍ରତି କାହାର ନଜର ନାହିଁ । ତେବେ ଗୋରୁ ହାଟରେ ଏଭଳି ସ୍ଥିତି ଉଦଳାରେ କରୋନାର ପରିସ୍ଥିତିକୁ ଗମ୍ଭୀର କରିବାର ସମ୍ଭାବନା ସୃଷ୍ଟି କରିଛି ।
