ନୂଆଦିଲ୍ଲୀ ୦୮/୧୨ : ତାମିଲନାଡୁ କୁନ୍ନୁରରେ ବାୟୁସେନା ହେଲିକପ୍ଟର କ୍ରାସ ହୋଇଛି। ହେଲିକପ୍ଟରରେ ସିଡିଏସ ଜେନେରାଲ ବିପିନ ରାବତଙ୍କ ସମେତ ୧୪ ଜଣ ଥିଲା। ଦୁର୍ଘଟଣାରେ କଂଗ୍ରେସ ନେତା ରାହୁଲ ଗାନ୍ଧୀ, କେନ୍ଦ୍ରମନ୍ତ୍ରୀ ଓ ବିଜେପି ନେତା ନିତିନ ଗଡ଼କରୀ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସମେତ ଅନେକ ନେତା ଦୁଃଖ ପ୍ରକାଶ କରିଛନ୍ତି।
କଂଗ୍ରେସ ସାଂସଦ ରାହୁଲ ଗାନ୍ଧୀ ଟ୍ୱିଟ କରିଛନ୍ତି ଯେ,”ଚପରରେ ସିଡିଏସ ଜେନେରାଲ ବିପିନ ରାବତ, ତାଙ୍କ ପତ୍ନୀ ଓ ଅନ୍ୟମାନେ ସୁରକ୍ଷିତ ଥାଆନ୍ତୁ ବୋଲି ପ୍ରାର୍ଥନା କରୁଛି। ଆହତମାନେ ଶୀଘ୍ର ସୁସ୍ଥ ହୋଇଯାଆନ୍ତୁ।”
କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡ଼କରୀ କହିଛନ୍ତି ଯେ ସିଡିଏସ ବିପିନ ରାବତଙ୍କୁ ନେଇ ଯାଉଥିବା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିବା ଖବର ଶୁଣି ସେ ମର୍ମାହତ। ସମସ୍ତେ ସୁରକ୍ଷିତ ଥାଆନ୍ତୁ, ସେଥିପାଇଁ ଭଗବାନଙ୍କ ପାଖରେ ପ୍ରାଥନା କରୁଛି।
ମମତା ବାନାର୍ଜୀ ଟ୍ୱିଟ କରିଛନ୍ତି, “କୁନ୍ନୁରରୁ ବହୁତ ଦୁଃଖଦ ଖବର ଆସିଛି। ସାରା ଦେଶ ବିପିନ ରାବତ ଓ ତାଙ୍କ ପତ୍ନୀ ସମେତ ହେଲିକପ୍ଟରରେ ଥିବା ସମସ୍ତଙ୍କ ପାଇଁ ପ୍ରାଥନା କରୁଛନ୍ତି। ଆହତମାନେ ଶୀଘ୍ର ସୁସ୍ଥ ହୋଇଯାଆନ୍ତୁ।”
