ଭୁବନେଶ୍ୱର ୦୩/୦୨ : କାଳାଷ୍ଟମୀ ଆସନ୍ତାକାଲି ଅର୍ଥାତ ଫେବୃଆରୀ ୪ ତାରିଖ ଗୁରୁବାର ଦିନ ପଡୁଛି। କାଳାଷ୍ଟମୀ ଭଗବାନ କାଳ ଭୈରବଙ୍କୁ ସମର୍ପିତ। କାଳ ଭୈରବ ଭଗବନ ଶିବଙ୍କ ସ୍ୱରୂପ। ପୌରାଣିକ କଥା ଅନୁସାରେ, କାଳ ଭୈରବ ଭଗବାନ ଶିବଙ୍କ ପଞ୍ଚମ ଅବତାର। କାଳ ଭୈରବଙ୍କୁ ଶିବଙ୍କ ବିଗ୍ରହ ରୂପ ବୋଲି କୁହାଯାଏ। କାଳ ଭୈରବଙ୍କ ଦୁଇଟି ରୂପ ଅଛି, ବଟୁକ ଭୈରବ ଓ କାଳ ଭୈରବ। ବଟୁକ ଭୈରବ ଭକ୍ତଙ୍କୁ ଅଭୟ ପ୍ରଦାନ କରନ୍ତି। ସେ ସୌମ୍ୟ ରୂପରେ ପ୍ରସିଦ୍ଧ। କାଳ ଭୈରବ ଅପରାଧିକ ପ୍ରବୃତି ଉପରେ ନିୟନ୍ତ୍ରଣ କରୁଥିବା ଭୟଙ୍କର ଦଣ୍ଡନାୟକ।
ଭଗବାନ ଭୈରବଙ୍କ ଭକ୍ତଙ୍କ ଯେଉଁମାନେ ଅନିଷ୍ଟ କରନ୍ତି ସେମାନଙ୍କୁ ୩ଟି ଲୋକରେ କୌଣସି ସ୍ଥାନ ମିଳେନାହିଁ। ସେମାନଙ୍କୁ କେହି ବି ୩ଟା ଲୋକରେ ଶରଣ ଦେଇପାରନ୍ତିନି। ପୌରାଣିକ କଥା ଅନୁସାରେ କାଳାଷ୍ଟମୀ ଦିନ ଭଗବାନ ଭୈରବଙ୍କ ପୂଜାର୍ଚ୍ଚନା କଲେ ଜୀବନରେ ଆସିବାକୁ ଥିବା ସମସ୍ତ ବାଧା ନାଶ ହୋଇଥାଏ ଏବଂ ବ୍ୟକ୍ତି ସୁଖୀ ଓ ନିରୋଗୀ ଜୀବନଯାପନ କରିଥାଏ।
କାଳ ଭୈରବଙ୍କ ପୂଜା ପରେ ଭୈରବ ଚାଳିଶା ନିଶ୍ଚୟ ପାଠ କରିବା ଉଚିତ। ପୂଜା ପରେ କାଳ ଭୈରବଙ୍କ ଆଳତୀ ମଧ୍ୟ କିବା ଉଚିତ।
