ଢେଙ୍କାନାଳ ୦୩/୧୦: ଆଗରେ ଲାଗିଛି ସିସିଟିଭି । ଆଉ ତାଲା ବି ଝୁଲୁଛି । ମାତ୍ର ପଛ ପଟ ମେଲା କରି ଲୁଟେରା ଲୁଟିନେଲେ ଟଙ୍କା । ଏପରିସ୍ଥିତି ଉପୁଜିଛି ଢେଙ୍କାନାଳ ଜିଲ୍ଲା ଗଁନ୍ଦିଆ ଥାନା ଅନ୍ତର୍ଗତ ଶ୍ରୀରାମଚନ୍ଦ୍ର ପୁର ଛକରେ । ଶ୍ରୀରାମଚନ୍ଦ୍ରପୁର ଡାକ୍ତରଖାନା ସମ୍ମୁଖରେ ଥିବା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ଏଟିଏମ କୁ ମେସିନ ଭାଙ୍ଗି ଗତକାଲି ରାତିରେ ଲୁଟେରା ମାନେ ସମସ୍ତ ଟଙ୍କା ଲୁଟିନେଇଥିବା ଜଣାପଡିଛି ।
ସଠିକ କେତେ ଟଙ୍କା ଲୁଟ ହୋଇଛି ତାହା ପୋଲିସ ତଦନ୍ତ କରୁଥିବା ଜଣାପଡିଛି । ତେବେ ଲୁଟେରା ମାନେ ଅନ୍ୟୁନ ୧୦ଲକ୍ଷ ଟଙ୍କା ଲୁଟି ନେଇଥିବା ଅନୁମାନ କରାଯାଇଛି । ଏଟିଏମ ସମ୍ମୁଖରେ ସିସିଟିଭି ରହିଛି । ସମ୍ମୁଖ ସର୍ଟର କାଚ୍ ଗେଟ ତାଲା ମଧ୍ୟ ସୁରକ୍ଷିତ ରହିଛି । ମାତ୍ର ଲୁଟେରା ମାନେ ଏଟିଏମ ପଛ ପଟୁ କାନ୍ଥରେ ସିନ୍ଧି କରି ପଶିଥିବା ବେଳେ ଏଟିଏମ ମେସିନକୁ ତାଡି ଭାଙ୍ଗିବାପରେ ଟଙ୍କା ସବୁକୁ ଲୁଟିନେଇଥିବା ଜଣାପଡିଛି ।
ଖବର ପାଇ ଗଁନ୍ଦିଆ ପୁଲିସ ପହଂଚି ଏଟିଏମ ଭିତର ସିସିଟିଭି ଫୁଟେଜ ଓ ପୁଲିସ ଫରେନଶୀକ ଟିମ ମାଧ୍ୟମରେ ତଦନ୍ତ ଆରମ୍ଭ କରିଛି । ତେବେ ତୁଟେରା ମାନଙ୍କର କୌଣସି ପତା ମିଳିନାହିଁ ।
