ଡେରାଡୁନ ୨୫/୦୩ : ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହରିଶ ରାୱତଙ୍କ ସ୍ୱାସ୍ଥ୍ୟବସ୍ଥା ଗୁରୁତର ରହିଛି। ବୁଧବାର ଦିନ ତାଙ୍କର କରୋନା ୭ ରିପୋର୍ଟ ପଜିଟିଭ ଆସିଥିଲା। ତାଙ୍କୁ ଏୟାର ଆମ୍ବୁଲାନ୍ସ ଜରିଆରେ ଦିଲ୍ଲୀ ଏମ୍ସ ସ୍ଥାନାନ୍ତର କରାଯାଇଛି। ପାରିବାରିକ ସୂତ୍ରରୁ କୁହାଯାଇଛି ଯେ ରାୱତଙ୍କ ସ୍ୱାସ୍ଥ୍ୟ ଭଲ ଅଛି। ଡାକ୍ତରଙ୍କ ପରାମର୍ଶ କ୍ରମେ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି। କିଛି ଦିନ ପୂର୍ବରୁ ସେ କରୋନା ଟିକାର ପ୍ରଥମ ଡୋଜ ନେଇଥିଲେ।
ପୂର୍ବତନ ମୁଖ୍ୟମନ୍ତ୍ରୀ ହରିଶ ରାୱତଙ୍କ ପରିବାରର ଆଉ ୪ଜଣ ସଦସ୍ୟ କରୋନା ସଂକ୍ରମିତ ହୋଇଛନ୍ତି। ସେ ନିଜେ ଟ୍ୱିଟ କରି ଏ ସମ୍ପର୍କରେ ଜଣାଇଥିଲେ। ସେ, ତାଙ୍କ ଓ ତାଙ୍କ ଦୁଇ ପୁଅ ଓ ଝିଅ କରୋନା ପଜିଟିଭ ଚିହ୍ନଟ ହୋଇଥିଲେ।
ଗୁରୁବାର ସକାଳୁ ହରିଶ ରାୱତଙ୍କୁ କିଛି ଟେଷ୍ଟ ପାଇଁ ଡୁନ ହସ୍ପିଟାଲ ନିଆଯାଇଥିଲା। ତାଙ୍କ ସ୍ୱାସ୍ଥ୍ୟବସ୍ଥାରେ କୌଣସି ସୁଧାର ନ ହେବାରୁ ଡାକ୍ତର ତାଙ୍କୁ ଦିଲ୍ଲୀ ଏମ୍ସ ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ।
ପଞ୍ଜାବ ପ୍ରଭାରୀ ତଥା ପୂର୍ବତନ ମୁଖ୍ୟମନ୍ତ୍ରୀ ହରିଶ ରାୱତ ଦୁଇ ଦିନ ପୂର୍ବରୁ ଡ଼ିଏଭି କଲେଜରେ ଆୟୋଜିତ ହୋଲି ମିଳନ ସମାରୋହରେ ସାମିଲ ହୋଇଥିଲେ। ଏହା ପୂର୍ବରୁ ସେ ପଞ୍ଜାବ ଗସ୍ତରୁ ଫେରିଥିଲେ। ପଞ୍ଜାବରୁ ଫେରିବା ପରେ ସେ କୋଟଦ୍ୱାର, ଜୟହରିଖାଲ ସମେତ ଅନେକ ସ୍ଥାନରେ କଂଗ୍ରେସ ସମ୍ମିଳନୀରେ ସାମିଲ ହୋଇଥିଲେ।
