ନୂଆଦିଲ୍ଲୀ ୧୨/୦୨ : କରୋନାର ନୂଆ ପ୍ରକାରର ଭାଇରସ ଭୟଙ୍କର ନିଶ୍ଚୟ କିନ୍ତୁ ତାକୁ ମୁକାବିଲା କରିବାକୁ ସରଳ ସୂତ୍ରଟିଏ ଅଛି । ଦୁଇ ପ୍ରକାର ମାସ୍କ ଗୋଟିଏ ଉପରେ ଆଉ ଗୋଟିଏ କରୋନାକୁ ଚେକ୍ ଦେଇପାରିବ । ଖାସ୍ ସେଇଥି ପାଇଁ ଆମେରିକା ତାହାର ନାଗରିକମାନଙ୍କୁ ଦୁଇଟି ମାସ୍କ ପିନ୍ଧିବାକୁ ପରାମର୍ଶ ଦେଇଛି । ଆମେରିକାର ସ୍ୱାସ୍ଥ୍ୟ ଏଜେନ୍ସିର ରୋଗ ନିୟନ୍ତ୍ରଣ ଏବଂ ନିରାକରଣ (ସିଡିସି) ରିପୋର୍ଟ ଏବଂ ନିର୍ଦ୍ଦେଶାବଳୀରେ ଦର୍ଶାଯାଇଛି ଯେ ଥରେ ବ୍ୟବହାର କରାଯାଉଥିବା ସର୍ଜିକାଲମାସ୍କ ଉପରେ କପଡା ମାସ୍କ ପିନ୍ଧିବା ଦ୍ୱାରା ଏହି ଭାଇରସରୁ ୯୫ ପ୍ରତିଶତରୁ ଅଧିକ ସୁରକ୍ଷା ମିଳିଥାଏ ।
ସୂଚନା ଅନୁଯାୟୀ, ସର୍ଜିକାଲ୍ ମାସ୍କ ଉପରେ ଏକ କପଡା ମାସ୍କ ଲଗାଇବା ଦ୍ୱାରା ପୂର୍ବ ମାସ୍କର ଫାଙ୍କ ଦେଇ ବାୟୁ ଭିତରକୁ ପ୍ରବେଶ କରିବାର ସମ୍ଭାବନା ଦୂର ହୋଇଥାଏ । ସେହିଭଳି, ମାସ୍କ ଫିଟ ହେବା ଦ୍ୱାରା ବାୟୁ ଭିତରକୁ ପ୍ରବେଶ ନକରି ପାରିବାରୁ ଅତ୍ୟଧିକ ସକ୍ରିୟ ଭାଇରସରୁ ସୁରକ୍ଷା ମିଳିଥାଏ । ଏହା ପରୀକ୍ଷାରେ ମଧ୍ୟ ପ୍ରମାଣିତ ହୋଇସାରିଛି
ମାସ୍କରୁ ମୃତ୍ୟୁ ସଂଖ୍ୟା ହ୍ରାସ ପାଇଛି। ସିଡିସି ନିର୍ଦ୍ଦେଶକ ରୋଚେଲ ୱାଲେନସ୍କି ତଥ୍ୟ ସହ ଦର୍ଶାଇଛନ୍ତି ଯେ ମାସ୍କ ପିନ୍ଧିବା ପରେ କରୋନା ସଂକ୍ରମଣ ଏବଂ ତଦଜନିତ ମୃତ୍ୟୁ ସଂଖ୍ୟା ହ୍ରାସ ପାଇଛି । ସିଡିସି ଚିକିତ୍ସା ଅଧିକାରୀ ଜନ୍ ଟି ବ୍ରୁକ୍ସ କହିଛନ୍ତି – କରୋନା ବିରୁଦ୍ଧରେ ସାରା ବିଶ୍ୱରେ ମାସ୍କ କାମ କରୁଛି , ଭାଇରସରୁ ବଞ୍ଚିବା ପାଇଁ ବର୍ତ୍ତମାନ ଡବଲ୍ ମାସ୍କ ବ୍ୟବହାର ଅଧିକ ନିରାପଦ।
କେଉଁ ମାସ୍କ କିପରି କାମ କରେ:
ସିଡିସି ଅନୁସନ୍ଧାନରୁ ଜଣାପଡିଛି ଯେ ତିନି ସ୍ତରୀୟ ସର୍ଜିକାଲ୍ ମାସ୍କଗୁଡ଼ିକ ୪୨ ପ୍ରତିଶତ କଣିକାକୁ କଫରୁ ରୋକିଥିବାବେଳେ, ତିନି ସ୍ତରୀୟ କପଡା ମାସ୍କ 42 ପ୍ରତିଶତ କଣିକାକୁ ପ୍ରତିରୋଧ କରିଥାଏ । କିନ୍ତୁ ଏକ ସର୍ଜିକାଲ୍ ମାସ୍କ ଉପରେ ଏକ କପଡା ମାସ୍କ ଲଗାଇବା ଦ୍ୱାରା ଏହା ୯୨ପ୍ରତିଶତ କଣିକାକୁ ଫିଲ୍ଟର୍ କରିବାରେ ସାହାଯ୍ୟ କରେ । ଏହା ବ୍ୟତୀତ ମାସ୍କ ପିନ୍ଧିବାର ସଠିକ୍ ଉପାୟ ଉପରେ ମଧ୍ୟ ଗୁରୁତ୍ୱ ଦିଆଯାଇଛି । ମାସ୍କ ଢିଲା ରହିବା ଉଚିତ୍ ନୁହେଁ । ସବୁ ସ୍ଥାନରେ, ଆଖପାଖର ସମସ୍ତ ଲୋକ ଯଦି ଦୁଇଟି ମାସ୍କ ପିନ୍ଧନ୍ତି , ତେବେ ସଂକ୍ରମଣରୁ ୯୫ ପ୍ରତିଶତ ପର୍ଯ୍ୟନ୍ତ ସୁରକ୍ଷା ମିଳିପାରିବ ।
କପଡା ମାସ୍କ ଉପରେ WHO ର ଗୁରୁତ୍ୱ:
ଫ୍ରାନ୍ସ ଏହାର ନାଗରିକମାନଙ୍କୁ ତିନି ପରସ୍ତ ମାସ୍କ ପିନ୍ଧିବା ବାଧ୍ୟତାମୂଳକ କରିଛି । ଏନ୍ -୯୫ ମାସ୍କ ୯୦ ପ୍ରତିଶତ ବାୟୁକୁ ଭୂତାଣୁରୁ ଫିଲ୍ଟର୍ କରିଥାଏ । ସେଥିଲାଗି ବିଶ୍ୱ ସ୍ୱାସ୍ଥ୍ୟ ସଂଗଠନ ଲୋକଙ୍କୁ କପଡା ମାସ୍କ ପିନ୍ଧିବାକୁ ନିବେଦନ କରିଛି । ସର୍ଜିକାଲ୍ ମାସ୍କ ଏବଂ ଏନ୍ -୯୫ ମାସ୍କର ଅଭାବ ହେତୁ ଆମେରିକା କପଡା ମାସ୍କ ପିନ୍ଧିବାକୁ ପରାମର୍ଶ ଦେଇଥିଲା । କିନ୍ତୁ ଯୋଗାଣ ବୃଦ୍ଧି ସହିତ ସରକାର ବିଭିନ୍ନ ମାସ୍କର ଗୁଣ ବିଷୟରେ ଲୋକଙ୍କୁ ଅବଗତ କରାଇଛନ୍ତି । ତଥାପି, ଆମେରିକାରେ ଏନ୍-୯୫ ମାସ୍କ ପିନ୍ଧିବା ସୁପାରିଶ କରାଯାଇ ନାହିଁ ।
କରୋନାକୁ ଏଡାଇବା ପାଇଁ ଅନ୍ୟାନ୍ୟ ପଦକ୍ଷେପ:
ମାସ୍କ ପିନ୍ଧିବା ବ୍ୟତୀତ, କରୋନାରୁ ବଞ୍ଚିବା ପାଇଁ ଅନ୍ୟାନ୍ୟ ପଦକ୍ଷେପ ମଧ୍ୟ ପାଳନ କରିବାକୁ କୁହାଯାଇଛି । ଏଥିମଧ୍ୟରେ ଅତ୍ୟଧିକ ଜନଗହଳି ପୂର୍ଣ୍ଣ ସ୍ଥାନକୁ ନ ଯିବା, ଖରାପ ଭେଣ୍ଟିଲେସନ୍, ସାମାଜିକ ଦୂରତା ଏବଂ ସାବୁନ୍ ରେ ବାରମ୍ବାର ହାତ ଧୋଇବା ନିୟମ ସାମିଲ୍ ହୋଇଛି । ସିଡିସି ନିର୍ଦ୍ଦେଶକ ୱାଲେନସ୍କି କହିଛନ୍ତି – ମାସ୍କ ବିଷୟରେ ଶୁଣି ଶୁଣି ଏବଂ ଏହାକୁ ପିନ୍ଧି କିଛି ଲୋକ ଥକି ଯାଇଛନ୍ତି, କିନ୍ତୁ ପ୍ରତ୍ୟେକ ବ୍ୟକ୍ତି ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା ଉଚିତ୍, । ଘରେ ସେତେବେଳେ ମାସ୍କ ପିନ୍ଧିବେ ଯେତେବେଳେ କେହି ବାହାର ଲୋକ ଘରକୁ ଆସିଥିବେ । ୱାଲେନସ୍କି ଆହୁରି ମଧ୍ୟ କହିଛନ୍ତି ଯେ ମାସ୍କ ପ୍ରତ୍ୟାହାର କରିବାର ସମୟ ଏପର୍ଯ୍ୟନ୍ତ ଆସିନାହିଁ ।
୫୦ଟି ଦେଶରେ ନୂତନ ପ୍ରକାରର ଭୂତାଣୁ:
ଆମେରିକା, ବ୍ରିଟେନ ଏବଂ ଦକ୍ଷିଣ ଆଫ୍ରିକା ସମେତ ଅନ୍ୟାନ୍ୟ ୟୁରୋପୀୟ ଦେଶମାନଙ୍କରେ ନୂତନ ପ୍ରକାରର କରୋନା ସଂକ୍ରମିତଙ୍କ ସଂଖ୍ୟା ବଢୁଛି । ବର୍ତ୍ତମାନ ୫୦ଟି ଦେଶରେ ନୂଆ କରୋନା ଭାଇରସ୍ ଦେଖିବାକୁ ମିଳିଛି । ଏହି କାରଣରୁ ଜର୍ମାନୀ ଏବଂ ଅଷ୍ଟ୍ରେଲିଆରେ ସର୍ବସାଧାରଣ ସ୍ଥାନ କିମ୍ବା ଦୋକାନ ବଜାରରେ ଲୋକଙ୍କୁ ଅଧିକ ସୁରକ୍ଷିତ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି । କେବଳ ଆମେରିକାରେ, ଫେବୃଆରୀ ୧୦ ତାରିଖ ସୁଦ୍ଧା ୪୩ ଦିନ ମଧ୍ୟରେ ବ୍ରିଟେନରେ ମିଳିଥିବା ନୂତନ ପ୍ରକାରର କରୋନା (ବି-୧.୧.୭) ରେ ୯୦୦ ରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ବିଶ୍ୱରେ ୪୦୦୦ ରୁ ଅଧିକ ପ୍ରକାରର କରୋନା ଥାଇପାରେ ବୋଲି ବ୍ରିଟେନର ଜଣେ ଗବେଷକ କହିଛନ୍ତି ।
