ନୂଆଦିଲ୍ଲୀ ୨୪/୦୫: ଦେଶରେ ବଢୁଥିବା କରୋନା ମାମଲା ମଧ୍ୟରେ ମେ ମାସ ଆରମ୍ଭରେ ଅଭିନେତ୍ରୀ ଦୀପିକା ପାଦୁକୋନ କରୋନା ସଂକ୍ରମିତ ହୋଇଥିଲେ । ଅଭିନେତ୍ରୀ ବାଙ୍ଗାଲୋରରେ ତାଙ୍କ ଘରକୁ ଯିବା ପରେ ତାଙ୍କ ବାପା ପ୍ରକାଶ ପାଦୁକୋନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ଖବର ମଧ୍ୟ ଆସିଥିଲା। ତେବେ ଉଭୟ ଦୀପିକା ଏବଂ ରଣଭୀର ଏ ବିଷୟରେ କିଛି କହିନାହାଁନ୍ତି। ଏବେ ଜଣା ପଡିଛି ଯେ ଦୀପିକା କରୋନାରୁ ସୁସ୍ଥ ହୋଇଯାଇଛନ୍ତି । ନିକଟରେ ସେ ତାଙ୍କ ସ୍ୱାମୀ ରଣଭୀର ସିଂଙ୍କ ସହ ନଜର ଆସିଛନ୍ତି।
ଦୀପିକା ପାଦୁକୋନ ଏବଂ ରଣଭୀର ସିଂ ଏପ୍ରିଲରେ ବେଙ୍ଗାଲୁରୁ ଯାଇଥିଲେ। ଯେଉଁଠାରେ ସେ ତାଙ୍କ ବାପା-ମା ଏବଂ ଭଉଣୀ ସହିତ କ୍ୱାଲିଟି ଟାଇମ୍ ସ୍ପେଣ୍ଡ କରିବାପାଇଁ ପହଞ୍ଚିଥିଲେ । ଏଥି ସହିତ ଦୀପିକା ନିକଟରେ ମୁମ୍ବାଇ ଫେରିଛନ୍ତି ଏବଂ ତାଙ୍କ ସ୍ୱାମୀ ରଣଭୀର ସିଂ ମଧ୍ୟ ନଜର ଆସିଥିଲେ। ଦୀପିକା ଏବଂ ରଣଭୀର ମୁମ୍ବାଇ ବିମାନବନ୍ଦରରୁ ବାହାରିଥିବା ସମୟରେ ଦେଖାଯାଇଥିଲେ। ଏହି ସମୟରେ ଦୁହେଁ ବ୍ଲାକ୍ ଆଉଟଫିଟରେ ଥିଲେ । ଏହି ଦମ୍ପତି ମିଡିଆ ସାମ୍ନାରେ ହାତ ଧରିଥିବାର ନଜର ଆସିଥିଲେ ।
ଏହି ମାସ ଆରମ୍ଭରେ ଦୀପିକା ପାଦୁକୋନଙ୍କ ବାପା କରୋନା ସଂକ୍ରମିତ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ। ବର୍ତ୍ତମାନ ସେ ସୁସ୍ଥ ହୋଇଯାଇଛନ୍ତି । ଦୀପିକା କରୋନା ପଜିଟିଭ୍ ହେବା ପରେ ହୋମ୍ ଆଇସୋଲେସନରେ ଥିଲେ ।
