ନୂଆଦିଲ୍ଲୀ ୦୮।୦୨ : ବିଗ୍ବସ୍-୧୫ରେ ପ୍ରତିଯୋଗୀ ଭାବେ ନଜର ଆସିଥିବା ଗାୟିକା ନେହା ଭାସିନ୍ କରୋନା ସଂକ୍ରମିତ ହୋଇଛନ୍ତି। ସାରା ବିଶ୍ବରେ କରୋନାର ମାମଲା ବଢିବାରେ ଲାଗିଛି । ଏହାରି ମଧ୍ୟରେ ବର୍ତ୍ତମାନ ଗାୟକ ନେହା ଭାସିନଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ୍ ହୋଇଛି। ଏହାକୁ ନେଇ ନେହା ଭାସିନ ସୋସିଆଲ ମିଡିଆରେ ସୂଚନା ଦେଇ ଜଣାଇଛନ୍ତି।
ନିକଟରେ ନେହା ଭାସିନ୍ ଇନଷ୍ଟାଗ୍ରାମ ଷ୍ଟୋରୀରେ ୩ଟି ପୋଷ୍ଟ ସେୟାର କରିଛନ୍ତି । ଯେଉଁଥିରେ ପ୍ରଥମ ପୋଷ୍ଟରେ ସେ କେବଳ କୋଭିଡ ପଜିଟିଭ୍ ହୋଇଛନ୍ତି ବୋଲି ଲେଖିଛନ୍ତି। ଏବଂ ଦ୍ୱିତୀୟ ପୋଷ୍ଟରେ ସେ ଲେଖିଛନ୍ତି, ‘ହେ ଭଗବାନ, ମୁଁ ଗତ ୪୮ ଘଣ୍ଟା ଧରି ଜ୍ୱରରେ ଆକ୍ରାନ୍ତ ଅଛି। ଏଥି ସହିତ, ତୃତୀୟ ପୋଷ୍ଟ ମାଧ୍ୟମରେ ସେ ନିଜ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି । ଏହା ସହ ଶେଷରେ ଲେଖିଛନ୍ତି, ‘ଆପଣମାନଙ୍କ ପ୍ରାର୍ଥନା ପାଇଁ ବହୁତ ଧନ୍ୟବାଦ .. ମୁଁ ବର୍ତ୍ତମାନ ଭଲ ଅନୁଭବ କରୁଛି ଆଉ ଖୁବ୍ ଶୀଘ୍ର ସୁସ୍ଥ ହୋଇଯିବି। ଏବଂ ସୁରକ୍ଷିତ ରୁହନ୍ତୁ ।
