କଟକ ୧୬।୧୧: କାର୍ତ୍ତିକ ପୂର୍ଣ୍ଣି ପାଇଁ କଟକରେ ଲାଗିଲା କଟକଣା । ଡଙ୍ଗା ଭସା ଓ ବୁଡ଼ ପକାଇବା ଉପରେ ରୋକ ଲଗାଇଲା ପ୍ରଶାସନ । କୌଣସି ଘାଟରେ ଡଙ୍ଗା ଭସାଇ ପାରିବେନି କି ବୁଡ଼ ପକାଇ ପାରିବେନି ଶ୍ରଦ୍ଧାଳୁ । ଏସ୍ଆର୍ସିଙ୍କ ଗାଇଡ଼ଲାଇନ୍ ଅନୁଯାୟୀ ଏହି କଟକଣା ଲାଗୁ କରାଯାଇଛି । ଯଦି କେହି ଏହି କଟକଣାକୁ ନମାନନ୍ତି, ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ଏନେଇ ଡିସିପି ପ୍ରତୀକ ସିଂହ ସୂଚନା ଦେଇଛନ୍ତି ।
ଖବର ଅନୁଯାୟୀ, ଆଉ ମାତ୍ର ୨ ଦିନ ପରେ ପବିତ୍ର କାର୍ତ୍ତିକ ପୂର୍ଣ୍ଣିମା ।ଏହି ଅବସରରେ ରାଜ୍ୟର ସମସ୍ତ ନଦୀ ପଠାରେ ଡଙ୍ଗା ଭସା ଓ ବୁଡ଼ ପକାଇଯାଇଥାଏ । କିନ୍ତୁ ବର୍ତ୍ତମାନର କରୋନା ସ୍ଥିତିକୁ ଦେଖି ଡଙ୍ଗା ଭସା ଓ ବୁଡ଼ ପକା ଉପରେ ରୋକ ଲଗାଯାଇଛି । ଏହାକୁ ନେଇ ଏସ୍ଆର୍ସିଙ୍କ ପକ୍ଷରୁ ଏକ ଗାଇଡ଼ଲାଇନ୍ ମଧ୍ୟ ଜାରି କରାଯାଇଛି । ତେବେ ଏବେ କଟକ ପୋଲିସ ମଧ୍ୟ କଟକଣା ଲଗାଇଛି । କାର୍ତ୍ତିକ ପୂର୍ଣ୍ଣିମା ଦିନ କୌଣସି ଭକ୍ତ ଘାଟରେ ଡଙ୍ଗା ଭସାଇ ପାରିବେନାହିଁ କି ବୁଡ଼ ପକାଇପାରିବେ ନାହିଁ ବୋଲି ଡିସିପି ସୂଚନା ଦେଇଛନ୍ତି । ଯଦି କେହି ଏହି ନିୟମକୁ ଭାଙ୍ଗନ୍ତି, ତେବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଡିସିପି ପ୍ରତୀକ ସିଂହ ସୂଚନା ଦେଇଛନ୍ତି ।
