ନୂଆଦିଲ୍ଲୀ ୨୨\୦୫: ବଲିଉଡର ଅଭନେତ୍ରୀ କଙ୍ଗନା ରଣାୱତ୍ ପ୍ରାୟତଃ ତାଙ୍କ ଟ୍ୱିଟକୁ ନେଇ ଚର୍ଚ୍ଚାରେ ରହିଥାନ୍ତି । କିନ୍ତୁ ଏଥର କଙ୍ଗନା ନୁହଁନ୍ତି ତାଙ୍କ ସହ ଜଡିତ ଜଣେ ବ୍ୟକ୍ତି ଚର୍ଚ୍ଚାରେ ରହିଛନ୍ତି । ସେହି ବ୍ୟକ୍ତି ଆଉ କେହି ନୁହଁନ୍ତି କଙ୍ଗନାଙ୍କ ବଡିଗାର୍ଡ କୁମାର ହେଗଡେ । କଙ୍ଗନାଙ୍କ ବଡିଗାର୍ଡ ବିରୋଧରେ ପୋଲିସ ଷ୍ଟେସନରେ ଏକ ବଳାତ୍କାର ମାମଲା ରୁଜୁ ହୋଇଛି।
ସୂଚନା ଅନୁଯାୟୀ, ଅଭିନେତ୍ରୀଙ୍କ ବଡିଗାର୍ଡ କୁମାର ହେଗଡେଙ୍କ ଉପରେ ଜଣେ ୩୦ ବର୍ଷୀୟା ବ୍ୟୁଟିସିୟାନ୍ ଅଭିଯୋଗ ଆଣିଛନ୍ତି ଯେ ହେଗଡେ ତାଙ୍କୁ ବିବାହ କରିବାକୁ ପ୍ରତିଶୃତି ଦେଇ ବଳାତ୍କାର କରିଛନ୍ତି। ଅଭିଯୋଗରେ ପୀଡିତା କହିଛନ୍ତି ଯେ କୁମାର ହେଗଡେ ବିବାହ ପାଇଁ ପ୍ରସ୍ତାବ ଦେଇଥିଲେ। କେବଳ ଏତିକି ନୁହେଁ, କୁମାର ମଧ୍ୟ ମହିଳାଙ୍କୁ ଲିଭ୍ ଇନ୍ ରିଲେସନସିପରେ ରହିବାକୁ କହିଥିଲେ, ଯେଉଁଥିପାଇଁ ସେ ଏହା ଭାବି ରାଜି ହୋଇଥିଲେ ଯେ ସେ ତାଙ୍କୁ ବିବାହ କରିବେ।
ପୀଡିତା ଜଣକ କହିଛନ୍ତି, ସେ ଶାରୀରିକ ସମ୍ପର୍କ ରଖିବାକୁ ମନା କରିଦେଇଥିଲେ କିନ୍ତୁ କୁମାର ହେଗଡେ ତାଙ୍କୁ ଏହା କରିବାକୁ ବାଧ୍ୟ କରିଥିଲେ। ପୀଡିତା ଅଭିଯୋଗ କରିଛନ୍ତି ଯେ କୁମାର ତାଙ୍କଠାରୁ ୫୦,୦୦୦ ଟଙ୍କା ଋଣ ନେଇଥିଲେ। ସେ କହିଥିଲେ ଯେ ତାଙ୍କ ମା ଅସୁସ୍ଥ ଥିବାରୁ ତାଙ୍କୁ ନିଜ ସହରକୁ ଯିବାକୁ ପଡିବ। ଏହା ପରେ ତାଙ୍କ ସହ ଯୋଗାଯୋଗ ହୋଇ ପାରିନାହିଁ।
ଏଫ୍ଆଇଆର୍ ଅନୁଯାୟୀ, ଗତ ବର୍ଷ ଜୁନ୍ ମାସରେ ପୀଡିତା କୁମାର ହେଗଡେଙ୍କୁ ଏକ ଫିଲ୍ମ ସୁଟିଂ ସମୟରେ ଭେଟିଥିଲେ। ପୀଡିତାଙ୍କ ଅଭିଯୋଗରେ, ଆଇପିସିର ଧାରା ୩୭୬, ୩୭୭ ଏବଂ ୪୨୦ ଅନୁଯାୟୀ ଏକ ମାମଲା ରୁଜୁ ହୋଇଛି ଏବଂ ପୋଲିସ ଏହାର ତଦନ୍ତ ଆରମ୍ଭ କରିଛି।
