ଗାନ୍ଧୀନଗର: ଗୋଟେ ପଟେ ମୋଦୀ ସରକାର କୃଷି ଆଇନକୁ ପ୍ରତ୍ୟାହାର କରିବା ପାଇଁ ନିଷ୍ପତ୍ତି ନେଇଥିବା ବେଳେ ଅନ୍ୟପଟେ ଗୁଜୁରାଟ ସରକାର କୃଷକଙ୍କୁ ସ୍ମାର୍ଟଫୋନ୍ କିଣିବା ପାଇଁ ଟଙ୍କା ଦେଉଛନ୍ତି । ଗୁଜୁରାଟ ସରକାର ରାଜ୍ୟର କୃଷକ ମାନଙ୍କୁ ସ୍ମାର୍ଟଫୋନ୍ କିଣିବା ପାଇଁ ୧୫୦୦ ଟଙ୍କା ଆର୍ଥିକ ସହାୟତା ଦେବା ପାଇଁ ନିଷ୍ପତ୍ତି ନେଇଛନ୍ତି । ରାଜ୍ୟର କୃଷକ ବିଭାଗ ପକ୍ଷରୁ ଏନେଇ ସୂଚନା ଦେଇଛନ୍ତି ।
ସରକାରୀ ବିଜ୍ଞପ୍ତିରେ କୁହାଯାଇଛି ଯେ ଏହି ଯୋଜନାର ଉଦ୍ଦେଶ୍ୟ ହେଉଛି କୃଷକମାନଙ୍କୁ ସ୍ମାର୍ଟଫୋନ୍ କିଣିବାକୁ ଉତ୍ସାହିତ କରିବା, ଯାହା ଦ୍ୱାରା ସେମାନେ କୃଷି କ୍ଷେତ୍ରରେ ଆୟ ବୃଦ୍ଧି କରିବାରେ ବ୍ୟବହାର କରିପାରିବେ । ଏହା ସହିତ କୃଷକ ମାନେ ଡିଜିଟାଲ ସେବା ସମ୍ପର୍କରେ ଜାଣିପାରିବେ ।
ରାଜ୍ୟ କୃଷି, କୃଷକ କଲ୍ୟାଣ ଏବଂ ସହଯୋଗ ବିଭାଗ ଦ୍ୱାରା ଶନିବାର ଜାରି କରାଯାଇଥିବା ଏକ ସରକାରୀ ପ୍ରସ୍ତାବରେ କୁହାଯାଇଛି ଯେ, ଗୁଜୁରାଟରେ ଜମି ଥିବା କୌଣସି କୃଷକ ସ୍ମାର୍ଟଫୋନର ମୋଟ ମୂଲ୍ୟର ୧୦ ପ୍ରତିଶତ (୧,୫୦୦ ରୁ ଅଧିକ ନୁହେଁ) ସହାୟତା ପ୍ରଦାନ କରିପାରିବେ। କୃଷକ ମାନେ ଏଥିପାଇଁ ଆଇ-ଖେଦୁତ୍ ୱେବସାଇଟ୍ ରେ ଆବେଦନ କରିପାରିବେ ।
