ଆଗ୍ରା ୩୦/୧୦ : ବର୍ତ୍ତମାନ ତାଜମହଲ ରାତିରେ ପାଞ୍ଚ ଦିନ ସମସ୍ତ ସ୍ଲଟରେ ଖୋଲିବ। ୨୫୦ ପରିବର୍ତ୍ତେ ୪୦୦ ପର୍ଯ୍ୟଟକ ରାତିରେ ତାଜମହଲ ବୁଲି ପାରିବେ । ଅଦ୍ୟାବଧି ପର୍ଯ୍ୟଟକମାନେ ରାତିରେ କେବଳ ତିନୋଟି ସ୍ଲଟରେ ତାଜମହଲ ଦର୍ଶନ କରୁଥିଲେ। କରୋନା ପରେ ଏବେ ତାଜମହଲକୁ ଆସୁଥିବା ପର୍ଯ୍ୟଟକମାନେ ଆଶ୍ବସ୍ତି ପାଇବେ।
ରାଜ୍ୟ ସରକାରଙ୍କ ନୂତନ କରୋନା ନିୟମାବଳିରେ ରାତି ସମୟ କର୍ଫ୍ୟୁ ହଟିବା ପରେ ତାଜମହଲ ରାତିରେ ବୁଲି ପାରିବେ। ପ୍ରାୟ ଦୁଇ ବର୍ଷ ପରେ ପର୍ଯ୍ୟଟକଙ୍କ ପାଇଁ ଏହି ସୁବିଧା ଉପଲବ୍ଧ ହେବ । ଏବେ ପର୍ଯ୍ୟନ୍ତ ରାତି ୮:୩୦ ରୁ ୧୧ଟା ପର୍ଯ୍ୟନ୍ତ ଅଧ ଘଣ୍ଟାର ପାଞ୍ଚଟି ସ୍ଲଟରେ ପର୍ଯ୍ୟଟକଙ୍କ ଦୃଷ୍ଟିରେ ତାଜ ଖୋଲାଯାଇଥିଲା।
ପ୍ରତ୍ୟେକ ପୂର୍ଣ୍ଣିମାରେ ପାଞ୍ଚ ଦିନ ପାଇଁ ତାଜମହଲ ରାତି ୮:୩୦ ରୁ ୧୨ଟା ପର୍ଯ୍ୟନ୍ତ ଖୋଲିବ । ଏହାର ଆଠଟି ସ୍ଲଟ୍ ଅଛି । ପ୍ରତ୍ୟେକ ସ୍ଲଟ୍ ୩୦ମିନିଟ ସମୟସୀମା ରହିଛି । ପ୍ରତ୍ୟେକ ସ୍ଲଟରେ ୫୦-୫୦ ପର୍ଯ୍ୟଟକଙ୍କୁ ତାଜମହଲ ବୁଲିବାକୁ ଅନୁମତି ଦିଆଯାଇଛି ।
ତାଜମହଲ ରାତିରେ ଦେଖିବା ପାଇଁ ମଲ୍ ରାସ୍ତାରେ ଥିବା ଏଏସଆଇ କାର୍ଯ୍ୟାଳୟରୁ ଗୋଟିଏ ଦିନ ପୂର୍ବରୁ ଟିକେଟ କାଟିବାକୁ କରିବାକୁ ପଡ଼ିବ । ଯଦି ଏହି ପାଞ୍ଚ ଦିନ ଭିତରେ ଶୁକ୍ରବାର ପଡ଼େ ତେବେ ତାଜମହଲ ରାତିରେ ଦେଖିହେବ ନାହିଁ । କାରଣ ଶୁକ୍ରବାର ଦିନ ତାଜମହଲ ବନ୍ଦ ରହେ। ତାଜମହଲ ରାତିରେ ଦେଖିବା ପାଇଁ ପର୍ଯ୍ୟଟକମାନଙ୍କୁ କେବଳ ପୂର୍ବ ଫାଟକରେ ପ୍ରବେଶ ଅନୁମତି ମିଳିଛି ।
ତାଜମହଲ ରାତିରେ ବୁଲି ଦେଖିବା ପାଇଁ ଟିକେଟ୍ କେବଳ ଅଫିସରୁ କଟା ହେଉଛି । ଏଥିପାଇଁ କୌଣସି ଅନଲାଇନ୍ ଟିକେଟ ବୁକିଂର ବ୍ୟବସ୍ଥା ନାହିଁ ।
