ଆସିଲା ଶବ ବ୍ୟବଚ୍ଛେଦ ରିପୋର୍ଟ: ପାଣିରେ ବୁଡ଼ି ଚିନ୍ମୟୀଙ୍କ ମୃତ୍ୟୁ

ବନ୍ଧୁ ଆପଣଙ୍କୁ ଆମ ନ୍ୟୁଜ ପୋର୍ଟାଲକୁ ସ୍ଵାଗତ ଆପଣଙ୍କ ପାଇଁ ଆମେ ସବୁବେଳେ କିଛି କିଛି ଖାସ ଖବର ନେଇ ଆସିବୁ ତେବେ ଚାଲନ୍ତୁ ଆଲୋଚନା କରିବା ଆଜି ର ବିଷୟ ବସ୍ତୁ ଉପରେ.

ସମ୍ବଲପୁର/ବୁର୍ଲା: ବୁର୍ଲା ପିସି ବ୍ରିଜ୍‌ରୁ ଭିସୁଟ୍‌ ଛାତ୍ରୀ ଚିନ୍ମୟୀ ପ୍ରିୟଦର୍ଶିନୀ ସାହୁଙ୍କ ନିଖୋଜ ଘଟଣାରେ ଗୁରୁବାର ସନ୍ଧ୍ୟାରେ ଚିନ୍ମୟୀଙ୍କ ଶବ ବ୍ୟବଚ୍ଛେଦ ରିପୋର୍ଟ ଆସିଛି। ରିପୋର୍ଟ ଅନୁଯାୟୀ ପାଣିରେ ବୁଡ଼ି ତାଙ୍କର ମୃତ୍ୟୁ ଘଟିଥିବା ବୁର୍ଲା ଏସ୍‌ଡିପିଓ କହିଛନ୍ତି। ସେ ନିଜେ ଡେଇଁଥିଲେ, ନାଁ ଆଉ କିଏ ତାଙ୍କୁ ଠେଲିଛି, ତାକୁ ନେଇ ତଦନ୍ତ ଚାଲିଥିବା ସେ କହିଛନ୍ତି। ସମ୍ବଲପୁର ଏସ୍‌ପି ବି. ଗଙ୍ଗାଧରଙ୍କ ନିର୍ଦ୍ଦେଶକ୍ରମେ ବୁର୍ଲା ପୁଲିସର ସ୍ବତନ୍ତ୍ର ଟିମ୍‌ ବିଭିନ୍ନ ସ୍ଥାନରେ ଯାଞ୍ଚ କରିବ। ଚିନ୍ମୟୀ ଭୁବନେଶ୍ବରରେ ଏକ ଘରୋଇ ବିଶ୍ବବିଦ୍ୟାଳୟରେ ଅଧ୍ୟୟନ କରୁଥିଲେ। ଏହି ଟିମ୍‌ ଭୁବନେଶ୍ବର ଯାଇ ଚିନ୍ମୟୀ ରହୁଥିବା ଘରେ ମଧ୍ୟ ଯାଞ୍ଚ କରିବ ବୋଲି ଜଣେ ପୁଲିସ ଅଧିକାରୀ କହିଛନ୍ତି। ତା ସହ ତାଙ୍କ ପୁରୁଷ ବନ୍ଧୁ ରହୁଥିବା ସ୍ଥାନରେ ମଧ୍ୟ ପୁଲିସ ଟିମ୍‌ ଯାଞ୍ଚ କରିବ। ଶୁକ୍ରବାର ସାଇଣ୍ଟିଫିକ୍‌ ଟିମ୍‌ ପୁଣିଥରେ ତଦନ୍ତ କରିବ ବୋଲି ଜଣାପଡ଼ିଛି। ଅନ୍ୟ ପକ୍ଷରେ ଶବ ବ୍ୟବଚ୍ଛେଦ ସହ ଅନ୍ୟ ରିପୋର୍ଟ ଆସିବା ପରେ ଘଟଣା ସ୍ପଷ୍ଟ ହେବ ବୋଲି ଉତ୍ତରାଞ୍ଚଳ ରେଞ୍ଜ ଆଇଜି ଦୀପକ କୁମାର କହିଛନ୍ତି। ଯେଉଁ ତଥ୍ୟ ପ୍ରମାଣ ଆମ ପାଖରେ ଅଛି, ଆଉ ଯାହା ପ୍ରମାଣ ମିଳିବ, ସେ ଅନୁଯାୟୀ କାର୍ଯ୍ୟାନୁଷ୍ଠାନ ହେବ ବୋଲି ସେ କହିଛନ୍ତି।

ମଙ୍ଗଳବାର ଭିସୁଟ୍‌ର ସମାବର୍ତ୍ତନ ଉତ୍ସବକୁ ଡିଗ୍ରି ସାର୍ଟିଫିକେଟ୍‌ ନେବାକୁ ଚିନ୍ମୟୀ ଆସିଥିଲେ। ମଙ୍ଗଳବାର ରାତି ୯ଟା ସମୟରେ ସେ ଭୁବନେଶ୍ବର ଫେରିଥାନ୍ତେ। ସେଥିପାଇଁ ବସ୍‌ ଟିକେଟ୍‌ ମଧ୍ୟ ସେ କରିଥିଲେ। କିନ୍ତୁ ରାତି ୧୦ ବେଳକୁ ସେ ପାଵାର୍‌ ଚ୍ୟାନେଲ୍‌ର ସାଇଫନ୍‌ରେ ବୁଡ଼ି ଯାଇଥିବା ଖବର ଆସିଥିଲା। ବୁଧବାର ସକାଳେ ତାଙ୍କ ମୃତଦେହ ପାଵାର୍‌ ଚ୍ୟାନେଲ୍‌ରୁ ଜବତ ହୋଇଥିଲା। ଏହି ଘଟଣା ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟି କରିଥିଲା। ଅଗ୍ନିଶମ ବାହିନୀ ତାଙ୍କ ମୃତଦେହ ଉଦ୍ଧାର କରିବା ପରେ ନୂଆ ନୂଆ କଥା ସାମ୍ନାକୁ ଆସିଥିଲା। ଚିନ୍ମୟୀ ଆତ୍ମହତ୍ୟା କରିନାହାନ୍ତି, ତାଙ୍କୁ ହତ୍ୟା କରାଯାଇଛି ବୋଲି ତାଙ୍କ ମା’ ବୁର୍ଲା ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ଚିନ୍ମୟୀଙ୍କ ପୁରୁଷ ବନ୍ଧୁ ପ୍ରୀତିମାନ ଦେଙ୍କ ସମେତ ୨ ଜଣଙ୍କ ନାଁରେ କେସ୍‌ ନମ୍ବର ୯୬ରେ ଏକ ହତ୍ୟା ମାମଲା ରୁଜୁ କରି ପୁଲିସ ଘଟଣାର ତଦନ୍ତ କରୁଛି।