ନୂଆଦିଲ୍ଲୀ ୧୦/୧୨ : ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ଦ୍ବିପାକ୍ଷିକ ସିରିଜ୍ ପାଇଁ ଖେଳସୂଚୀ ଘୋଷଣା କରିଛି ବିସିସିଆଇ । ଆସନ୍ତା ଫେବୃଆରୀ ମାସରେ ଭାରତ ଗସ୍ତରେ ଆସିବ ଟିମ ଇଂଲଣ୍ଡ । ଏହି ଗସ୍ତରେ ଇଂଳଣ୍ଡ ବିପକ୍ଷରେ ୪ଟି ଟେଷ୍ଟ୍, ୫ ଟି-ଟ୍ବେଣ୍ଟି ଏବଂ ୩ଟି ଦିନିକିଆ ମ୍ୟାଚ୍ ଖେଳିବ ଘରୋଇ ଭାରତ । ଅଷ୍ଟ୍ରେଲିଆ ବିପକ୍ଷ ସିରିଜ ଶେଷ ହେବା ପରେ ଭାରତ ସ୍ବଦେଶ ଫେରି ଇଂଲଣ୍ଡ ବିପକ୍ଷ ସିରିଜ୍ ଖେଳିବ ।
ଟେଷ୍ଟ୍ ସିରିଜ୍
ପ୍ରଥମ ଟେଷ୍ଟ୍- ୫ ରୁ ୯ ଫେବୃଆରୀ ମଧ୍ୟରେ ଚେନ୍ନାଇରେ ଖେଳାଯିବ
ଦ୍ବିତୀୟ ଟେଷ୍ଟ୍- ୧୩ ରୁ ୧୭ ଫେବୃଆରୀ ମଧ୍ୟରେ ଚେନ୍ନାଇରେ ଖେଳାଯିବ
ତୃତୀୟ ଟେଷ୍ଟ୍- ୨୪ ରୁ ୨୮ ଫେବୃଆରୀ ମଧ୍ୟରେ ଅହମଦାବାଦରେ ଖେଳାଯିବ
ଚତୁର୍ଥ ଟେଷ୍ଟ- ୪ ରୁ ୮ ମାର୍ଚ୍ଚ ମଧ୍ୟରେ ଅହମଦାବାଦରେ ଖେଳାଯିବ
ଟି-ଟ୍ବେଣ୍ଟି ସିରିଜ୍
ସମସ୍ତ ଟି-ଟ୍ବେଣ୍ଟି ମ୍ୟାଚ୍ ଅହମଦାବଦରେ ହିଁ ଖେଳାଯିବା । ମାର୍ଚ୍ଚ ୧୨ରେ ପ୍ରଥମ ମ୍ୟାଚ୍, ୧୪ ରେ ଦ୍ବିତୀୟ, ୧୬ରେ ତୃତୀୟ, ୧୮ରେ ଚତୁର୍ଥ ଏବଂ ମାର୍ଚ୍ଚ ୨୦ ତାରିଖରେ ୫ମ ତଥା ଶେଷ ଟି-ଟ୍ବେଣ୍ଟି ମ୍ୟାଚ୍ ଖେଳାଯିବ ।
ଦିନିକିଆ ସିରିଜ୍
ଭାରତ ଏବଂ ଇଂଲଣ୍ଡ ବିପକ୍ଷ ସମସ୍ତ ଦିନିକିଆ ମ୍ୟାଚ ପୁଣେରେ ଖେଳାଯିବାକୁ ଯୋଜନା ହୋଇଛି । ୩ ମ୍ୟାଚ ବିଶିଷ୍ଟ ଦିନିକିଆ ସିରିଜର ପ୍ରଥମ ମ୍ୟାଚ ମାର୍ଚ୍ଚ ୨୩ରେ , ଦ୍ବିତୀୟ ମ୍ୟାଚ୍ ମାର୍ଚ୍ଚ ୨୬ରେ ଏବଂ ତୃତୀୟ ତଥା ଶେଷ ଦିନିକିଆ ମାର୍ଚ୍ଚ ୨୮ରେ ଖେଳାଯିବ ।
