ପୁରୀ : ଶେଷରେ ବହୁ ପ୍ରତୀକ୍ଷିତ ଶ୍ରୀମନ୍ଦିର ଐତିହ୍ୟ କରିଡର ପ୍ରକଳ୍ପ କାମ ଆଜିଠାରୁ ଆରମ୍ଭ ହୋଇଛି। ପ୍ରାଥମିକ ପର୍ଯ୍ୟାୟରେ ପଶ୍ଚିମଦ୍ବାରରୁ ଖନନ କାର୍ଯ୍ୟ ଆରମ୍ଭ ହୋଇଛି। ୭୫ ମିଟର ପରିଧିରେ ପଶ୍ଚିମଦ୍ବାର ସମ୍ମୁଖ ବିସ୍ତୃତ ଜାଗାକୁ ଆଜି ଖୋଳାଯାଇଛି। ସେପଟେ ଶ୍ରୀମନ୍ଦିର କାର୍ଯ୍ୟାଳୟ କାମ ବି ଆରମ୍ଭ ହୋଇଛି। ଏହି ସ୍ଥାନର ଖନନ କାର୍ଯ୍ୟ ବି ଆରମ୍ଭ ହୋଇଛି।
ଶନିବାର ଶ୍ରୀସେତୁ ବା ଟ୍ରମ୍ପେଟ୍ ବ୍ରିଜ୍ ନିର୍ମାଣ କାର୍ଯ୍ୟର ସମୀକ୍ଷା କରୁଛନ୍ତି ୫-ଟି ସଚିବ ଭି କେ ପାଣ୍ଡିଆନ୍।
ଏ ସମ୍ପର୍କରେ ଓବିସିସି ନିର୍ବାହୀ ଯନ୍ତ୍ରୀ ଇଂ. ପ୍ରଭାତ ପାଣିଗ୍ରାହୀ କହିଛନ୍ତି ଯେ ପଶ୍ଚିମଦ୍ବାରରେ ଭକ୍ତଙ୍କ ସୁବିଧା ତଥା ବ୍ୟବହାର ପାଇଁ ବିଭିନ୍ନ ପ୍ରକଳ୍ପ କରାଯିବ। ଦୁଇଟି ଶୌଚାଳୟ ସହ ଲୋକଙ୍କ ବ୍ୟବହାର ପାଇଁ ଅନ୍ୟାନ୍ୟ ବ୍ୟବସ୍ଥା କରାଯିବ। ଶ୍ରୀମନ୍ଦିର କାର୍ଯ୍ୟାଳୟର ପୁରୁଣ କୋଠା ଉଚ୍ଛେଦ ପରେ ଏଠାରେ ନୂଆ କୋଠା ନିର୍ମାଣ କାର୍ଯ୍ୟର ପ୍ରାଥମିକ ପର୍ଯ୍ୟାୟ ଆରମ୍ଭ ହୋଇଛି। ଏଠାରେ ଖନନ କାର୍ଯ୍ୟ ଆରମ୍ଭ ହୋଇଛି। ସମୟ ଅବଧି ଭିତରେ ଏହି କାମ ଆମେ ସାରିବାକୁ ଲକ୍ଷ୍ୟ ରଖିଛୁ ବୋଲି ଇଂ. ପାଣିଗ୍ରାହୀ କହିଛନ୍ତି।
