ଭୁବନେଶ୍ୱର ୨୫/୧୧ : ଆଜିର ଯୁଗରେ ଲୋକେ ଘରର ସାଜସଜ୍ଜା ପ୍ରତି ବିଶେଷ ଧ୍ୟାନ ଦିଅନ୍ତି। ଏଥିପାଇଁ ଲୋକେ ନିଜ ଘରେ ମାଛ ଆକ୍ୱାରିୟମ୍ ମଧ୍ୟ ରଖନ୍ତି। ଏହା କେବଳ ଦେଖିବାରେ ସୁନ୍ଦର ନୁହେଁ ବରଂ ଘରକୁ ଆସୁଥିବା ପ୍ରତ୍ୟେକ ଅତିଥିଙ୍କ ଦୃଷ୍ଟି ମଧ୍ୟ ଆକର୍ଷଣ କରିଥାଏ। ଵାସ୍ତୁ ଦୃଷ୍ଟିକୋଣରୁ ଘରେ ଆକ୍ୱାରିୟମ୍ ରଖିବା ଶୁଭ ବୋଲି କୁହାଯାଏ।
ଆକ୍ୱାରିୟମ୍ ଘରର ଵାସ୍ତୁକୁ ବହୁ ପରିମାଣରେ ପ୍ରଭାବିତ କରିଥାଏ। ସେଥିପାଇଁ ଏହା ସହିତ ଜଡିତ କିଛି ବିଶେଷ ଦିଗ ପ୍ରତି ଦୃଷ୍ଟି ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ। ଆକ୍ୱାରିୟମକୁ ଘରେ କେଉଁଠାରେ ରଖିବେ, କେଉଁ ଦିଗରେ, ଆକ୍ୱାରିୟମରେ କେତେ ମାଛ ରଖିବା ଉଚିତ୍ ଏହି ସବୁ ଜିନିଷ ଆପଣଙ୍କ ଜୀବନ ଉପରେ ପ୍ରଭାବ ପକାଇଥାଏ।
ବାସ୍ତୁଶାସ୍ତ୍ରରେ ଦିଗର ବିଶେଷ ଗୁରୁତ୍ୱ ରହିଛି। ଠିକ ସେହିଭଳି ଆକ୍ୱାରିୟମ ରଖିବାର ମଧ୍ୟ ସଠିକ୍ ଦିଗ ରହିଛି। ବାସ୍ତୁଶାସ୍ତ୍ର ଅନୁଯାୟୀ ମାଛ ଆକ୍ୱାରିୟମକୁ କେବଳ ଉତ୍ତର ପୂର୍ବ ଦିଗରେ ରଖିବା ଉପଯୁକ୍ତ ବୋଲି ବିବେଚନା କରାଯାଏ।
ଆକ୍ୱାରିୟମରେ ପାଣି ସହ ଜଡିତ ଖାସ କଥା :
ଆକ୍ୱାରିୟମରେ ଜଳ ଏକ ପ୍ରମୁଖ ଉପାଦାନ। ସେଥିପାଇଁ ଏହା ସହ ଜଡିତ କିଛି ଖାସ ଟିପ୍ସ ଗ୍ରହଣ କରାଯିବା ଆବଶ୍ୟକ। ଆକ୍ୱାରିୟମ ପାଣିକୁ ସମୟ ସମୟରେ ବଦଳାଇବା ଉଚିତ୍। ପାଣି ନ ବଦଳାଇଲେ ନକାରାତ୍ମକ ଶକ୍ତି ବୃଦ୍ଧି ପାଇଥାଏ। ପାଣି ବାରମ୍ବାର ବଦଳାଇଲେ ସକରାତ୍ମକ ଶକ୍ତି ସଞ୍ଚାର ହୋଇଥାଏ। ଏହା ବ୍ୟତୀତ ମନେରଖନ୍ତୁ ଯେ ଆକ୍ୱାରିୟମର ଜଳ ସ୍ଥିର ରହିବା ଉଚିତ ନୁହେଁ କାରଣ ଏହା ଦ୍ୱାରା ଘରର ଆର୍ଥିକ ସ୍ଥିତି ପ୍ରଭାବିତ ହୋଇଥାଏ।
ଆକ୍ୱାରିୟମରେ ଏତିକି ମାଛ ରଖନ୍ତୁ :
ଲୋକେ ଆକ୍ୱାରିୟମରେ ଯେତେ ସଂଖ୍ୟକ ମାଛ ରଖନ୍ତି କିନ୍ତୁ ଯଦି ବାସ୍ତୁଶାସ୍ତ୍ର ହିସାବରେ ବିଚାର କରାଯାଏ ତାହେଲେ ଘରର ଆକ୍ୱାରିୟମରେ ୯ ଟି ମାଛ ରଖିବା ଶୁଭ ବୋଲି ଧରାଯାଏ। ଏକ ନିର୍ଦ୍ଦିଷ୍ଟ ସଂଖ୍ୟକ ମାଛ ରଖିବା ଉଚିତ୍।
ମୁଖ୍ୟଦ୍ଵାରରେ ରଖିବା ଶୁଭ :
ମାଛ ଆକ୍ୱାରିୟମକୁ ଘରର ପ୍ରବେଶ ଦ୍ୱାରରେ ରଖାଗଲା ଏହା ଯିବା ଆସିବା ଲୋକଙ୍କ ଦୃଷ୍ଟି ଆକର୍ଷଣ କରିଥାଏ। ବାସ୍ତୁଶାସ୍ତ୍ର ଦୃଷ୍ଟିକୋଣରୁ ଏହା ଲାଭଦାୟକ ମଧ୍ୟ। କିନ୍ତୁ ଏହାକୁ ମୁଖ୍ୟଦ୍ୱାରର ବାମ ପାର୍ଶ୍ୱରେ ରଖିବା ଉଚିତ୍।
ଏହି ସ୍ଥାନରେ ରଖିବା ଅନୁଚିତ :
ଘରେ ଆକ୍ୱାରିୟମ୍ ଯେକୌଣସି ସ୍ଥାନରେ ରଖାଯାଇପାରିବ କିନ୍ତୁ ରୋଷେଇ ଘରେ ଭୁଲରେ ବି ରଖିବା ଉଚିତ୍ ନୁହେଁ। ଏହାକୁ ବାସ୍ତୁ ନିୟମର ବିପରୀତ ବୋଲି କୁହାଯାଏ। ବାସ୍ତୁଶାସ୍ତ୍ର ଅନୁଯାୟୀ ରୋଷେଇ ଘରେ ଆକ୍ୱାରିୟମ୍ ରଖିଲେ ଘରେ କଳହ ହେବାର ସମ୍ଭାବନା ଅଧିକ ଥାଏ।
