ଢେଙ୍କାନାଳ ୦୭।୦୨: କଟକଣା କୋହଳ ପରେ ଖୋଲିଛି ସ୍କୁଲ । ତୃତୀୟ ପର୍ଯ୍ୟାୟ କୋଭିଡ ସଂକ୍ରମଣ ହ୍ରାସ ପରେ ରାଜ୍ୟ ସରକାରଙ୍କ ପକ୍ଷରୁ ପୁଣି ସ୍କୁଲ ଖୋଲାଯାଇଛି। ଏହି ଅବସରରେ ଆଜି ପ୍ରଥମ ପର୍ଯ୍ୟାୟରେ ଅଷ୍ଟମ ଶ୍ରେଣୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଅନଲାଇନ ସହ ଅଫଳାଇନ ପାଠପଢା ଆରମ୍ଭ କରାଯାଇଛି ।
ତେବେ ସକାଳ ୧୦ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ସ୍କୁଲରେ ଉଭୟ ଅଫଳାଇନ ଓ ଅନଲାଇନ ପାଠ ପଢା ଆରମ୍ଭ ହୋଇଛି। ଫଳରେ ଢେଙ୍କାନାଳ ଜିଲ୍ଲାରେ ୭ଟି ଆଦର୍ଶ ସ୍କୁଲ ସମେତ ମୋଟ ୨୮୪ଟି ଅଫଳାଇନ ପାଠ ପଢା ଆରମ୍ଭ ହୋଇଛି । ଏଥିପାଇଁ ଶିକ୍ଷା ବିଭାଗ ପୂର୍ବରୁ ସ୍କୁଲକୁ ସାନିଇଟାଇଜ କରାଯାଇଛି । ଆଜି ପିଲାମାନେ ସ୍କୁଲକୁ ପ୍ରବେଶ ପୂର୍ବରୁ ସାନିଇଟାଇଜ ସହ ଥର୍ମାଲ ସ୍କାନିଂ କରାଯାଇଛି । ଅଫଳାଇନ ପାଠପଢା ଆରମ୍ଭ ହେବାରୁ ଛାତ୍ରଛାତ୍ରୀଙ୍କ ମହଲରେ ବେଶ ଉତ୍ସାହ ପରିଲକ୍ଷିତ ହୋଇଛି।
