ଢେଙ୍କାନାଳ ୩୦।୬: ଜନବସତି ନିକଟରେ ବଡ଼ ଧରଣର କୁକୁଡା ଫାର୍ମକୁ ନେଇ ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ନଠୁଆ ପଞ୍ଚାୟତରେ ଉତ୍ତେଜନା ପ୍ରକାଶ ପାଇଛି । ସ୍ଥାନୀୟ ନାଠୁଆ ଓ ଚାଉଳିଆ ପଞ୍ଚାୟତର ଲୋକମାନେ ଗୁରୁବାର ଏହି କୁକୁଡ଼ା ଫାର୍ମକୁ ଘେରାଓ କରିଛନ୍ତି । ଫାର୍ମ ସମ୍ମୁଖରେ ନାରାବାଜି ଦେଇ ବିକ୍ଷୋଭ ପ୍ରଦର୍ଶନ ସାଙ୍ଗକୁ ଗଣଧାରଣରେ ବସିଛନ୍ତି ପଞ୍ଚାୟତବାସୀ । ଫଳରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି ।
ସୂଚନାଯୋଗ୍ୟ ଯେ, ନାଠୁଆ ପଞ୍ଚାୟତର ଜନବସତି ନିକଟରେ ହାଇଟେକ ନାମକ ଏକ ବଡ ଧରଣର କୁକୁଡ଼ା ଫାର୍ମ ଗଢି ଉଠିଛି । ଏହି ଫାର୍ମରୁ ନିର୍ଗତ ଦୁର୍ଗନ୍ଧ ଓ ଆବର୍ଜନ ଯୋଗୁଁ ନାଠୁଆ ପଞ୍ଚାୟତର ନାଠୁଆ, ଖଣ୍ଡିଆବନ୍ଧ, ପାରିଖେଦା ଓ ଚାଉଳିଆ ପଞ୍ଚାୟଟର୍ବୀ ହିଂନ ଗ୍ରାମବାସୀ ପ୍ରଭାବିତ ହେଉଛନ୍ତି । ଏ ସମ୍ପର୍କରେ ପଞ୍ଚାୟତବାସୀ ବାରମ୍ବାର ବିଡ଼ିଓ ଓ ଜିଲ୍ଲାପାଳଙ୍କୁ ଗୁହାରି କରିଆସୁଥିଲେ ମଧ୍ୟ କୌଣସି ସୁଫଳ ମିଳୁନାହିଁ । ଯାହା ଫଳରେ ଏହି କୁକୁଡ଼ା ଫାର୍ମ ସ୍ଥାନୀୟ ପଞ୍ଚାୟତବାସୀଙ୍କୁ ଅନାନିଶ୍ବାସୀ କରି ସାରିଲାଣି । ଫାର୍ମରୁ ବାହାରୁଥିବା ଦୁର୍ଗନ୍ଧ ଓ ପରିବେଶ ପ୍ରଦୂଷଣ ଯୋଗୁଁ ନାହିଁ ନଥିବା ସମସ୍ୟା ଉପୁଜୁଥିବା ସ୍ଥାନୀୟ ପଞ୍ଚାୟତବାସୀ ଅଭିଯୋଗ ଉଠାଇଛନ୍ତି ।
