କାନବେରା,୦୩/୧୨: ଅଷ୍ଟ୍ରେଲିଆ ପାଇଁ ଅଡୁଆ ବଡିବାରେ ଲାଗିଛି । ଦଳର ଖେଳାଳିଙ୍କ ଆହତ ସମସ୍ୟା ପିଛା ଛାଡ଼ୁନି । ଅଲରାଉଣ୍ଡର ମାର୍କସ ଷ୍ଟୋଇନିସ୍, ଓପନର ଡେଭିଡ୍ ୱାର୍ଣ୍ଣରଙ୍କ ପରେ ପ୍ରମୁଖ ଦ୍ରୁତ ବୋଲର ମିଚେଲ ଷ୍ଟାର୍କ ମଧ୍ୟ ଆହତ ହୋଇଛନ୍ତି । ତାଙ୍କ ପିଠି ଏବଂ ପଞ୍ଜରାରେ ଆଘାତ ଲାଗିଛି । ଏନେଇ ଅଦିନାୟକ ଆରୋନ ଫିଞ୍ଚ୍ ସୂଚନା ଦେଇଛନ୍ତି ।
ତୃତୀୟ ଦିନିକିଆ ପୂର୍ବରୁ ପିଞ୍ଚ୍ କହିଥିଲେ ଯେ, ଷ୍ଟାର୍କଙ୍କ ପିଠି ଓ ପଞ୍ଜରାରେ ଯନ୍ତ୍ରଣା ହେଉଛି। ତେଣୁ ତାଙ୍କୁ ତୃତୀୟ ମ୍ୟାଚ୍ରୁ ବିଶ୍ରାମ ଦିଆଯାଇଥିଲା। ତାଙ୍କ ଆହତ ସମସ୍ୟା ସେତେଟା ଗୁରୁତର ନୁହେଁ। ବିଶ୍ରାମ ନେଲେ ସେ ଖୁବଶୀଘ୍ର ସୁସ୍ଥ ହୋଇଯିବେ ବୋଲି ଫିଞ୍ଚ୍ ଆଶା ରଖିଛନ୍ତି ।
ସୂଚନାଯୋଗ୍ୟ, ଆସନ୍ତା ୪ ତାରିଖରୁ ୩ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜ୍ ଆରମ୍ଭ ହେବ। ତେଣୁ ଷ୍ଟାର୍କ ପ୍ରଥମ ମ୍ୟାଚ୍ରୁ ବାଦ୍ ପଡ଼ିବା ଏକପ୍ରକାର ନିଶ୍ଚିତ ହୋଇଯାଇଛି। ଷ୍ଟାର୍କ ପ୍ରଥମ ୨ଟି ଦିନିକିଆରେ ମୋଟ ୧୪୭ରନ୍ ବ୍ୟୟ କରିଥିବାବେଳେ ମାତ୍ର ଗୋଟିଏ ୱିକେଟ୍ ନେବାରେ ସଫଳ ହୋଇଥିଲେ।
