ନୂଆଦିଲ୍ଲୀ ୩୧/୧୨: କ୍ରିକେଟର ଋଷଭ ପନ୍ତ ଏବଂ ମିସ୍ ଦିଭା ୟୁନିଭର୍ସ ଉର୍ବଶୀ ରୌତେଲା ଉଭୟ ଭାରତର ପ୍ରସିଦ୍ଧ ଷ୍ଟାରଙ୍କ ମଧ୍ୟରେ ସାମିଲ। କିଛି ସମୟ ପୂର୍ବରୁ ଏହି ଦୁଇ ଷ୍ଟାରଙ୍କ ନାମ ଯୋଡା ହୋଇଥିଲା। ଦୁହେଁ ପରସ୍ପରକୁ ଡେଟ୍ କରୁଥିଲେ। କିନ୍ତୁ ଦୁଇ ଷ୍ଟାର୍ ସେମାନଙ୍କ ପ୍ରଶଂସକଙ୍କ ସହ ଏହି ଖୁସି ଖବର ସେୟାର କରିବା ପୂର୍ବରୁ, ସେମାନଙ୍କ ବ୍ରେକଅପ୍ ହୋଇଗଲା।
ପ୍ରଶଂସକ ଏହି ଦୁଇଜଣଙ୍କ ଡେଟରେ ଯେତିକି ଖୁସି ଥିଲେ, ସେମାନଙ୍କ ଅଲଗା ହେବାକୁ ନେଇ ସେତିକି ଦୁଃଖିତ। ସୂଚନା ଅନୁଯାୟୀ, ଉଭୟେ ପରସ୍ପରଠାରୁ ନିଜକୁ ଅଲଗା କରି ହ୍ୱାଟସ୍ଅପରେ ବ୍ଲକ୍ କରିଦେଇଛନ୍ତି। ମିଡିଆ ରିପୋର୍ଟରେ ସେମାନଙ୍କ ଅଲଗା ହେବାର ଖବର ନିଶ୍ଚିତ ହୋଇଛି। ତେବେ ଋଷଭ-ଉର୍ବଶୀଙ୍କ ବ୍ରେକଅପ୍ ହେବାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ଋଷଭ-ଉର୍ବଶୀ ପରସ୍ପରକୁ ହ୍ୱାଟସ୍ ଅପରେ ବ୍ଲକ୍ କରିବା ଖବର ପ୍ରଶଂସକଙ୍କୁ ଚକିତ କରିଛି ଏବଂ ଉଭୟଙ୍କ ପ୍ରଶଂସକ ଅତ୍ୟନ୍ତ ନିରାଶ ହୋଇଛନ୍ତି। ପ୍ରଶଂସକ ଆଶା କରିଥିଲେ ଖୁବ୍ ଶୀଘ୍ର ଉଭୟଙ୍କ ମଧ୍ୟରେ ସବୁକିଛି ଠିକ ହୋଇଯିବ କିନ୍ତୁ ଉଭୟେ ଅଲଗା ହୋଇଯାଇଛନ୍ତି।
