ନୂଆଦିଲ୍ଲୀ ୧୨/୫: ଦୈନିକ ହଜାର ହଜାର ସଂଖ୍ୟାରେ ଜୀବନ ନେଉଛି କିଲର ଭାଇରସ । ନେତା, ଅଭିନେତାଙ୍କ ସହ କ୍ରିଡୀବିତ ବି କରୋନା କବଳରୁ ବଞ୍ଚିପାରୁନାହଁନ୍ତି । ଏବେ ପୁଣି ଜଣେ ଖେଳାଳୀ କରୋନାରେ ପ୍ରାଣ ହରାଇଛନ୍ତି । ସେ ହେଉଛନ୍ତି ଅର୍ଜୁନ ପୁରସ୍କାର ପ୍ରାପ୍ତ ଭାରତର ପୂର୍ବତନ ଟେବୁଲ ଟେନିସ ଖେଳାଳି ଭି ଚନ୍ଦ୍ରଶେଖର ।
ପରିବାର ସୂତ୍ରରୁ ପ୍ରକାଶ ଯେ, ଗତ କିଛିଦିନ ତଳେ ସରୋନାରେ ସଂକ୍ରମିତ ହୋଇଥିଲେ । ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ବୁଧବାର ଏଠାରେ ଥିବା ଏକ ଘରୋଇ ଡାକ୍ତରଖାନାରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୬୪ ବର୍ଷ ହୋଇଥିଲା । ଏବେ ତାଙ୍କ ପତ୍ନୀ ଏବଂ ଗୋଟିଏ ଅଛନ୍ତି । ଚେନ୍ନାଇରେ ଜନ୍ମିତ ଚନ୍ଦ୍ରଶେଖର, ତିନି ତିନି ଥର ଜାତୀୟ ଚାମ୍ପିଅନ୍ ହୋଇଥିଲେ ।
